TOP

'Mukomye okusosola abalwadde ensimbu'

By Musasi wa Bukedde

Added 3rd September 2018

"Ekizibu kino kivudde ku bantu abatandika okuzaala nga tebeekebezza bulwadde buno, abazadde abalagajjala okujjanjaba omusujja gw’ensiri mu baana ekivaako okubalinnya ku bwongo ne buvaamu ensimbu wamu n’abakyala abazaalira mu bamulerwa."

Ssekasambangasalakkeekikukkonoyedrkatongoleneanitamagoakulemberaekitongolekyarido 703x422

Ssekasamba ng'asala keeki. Ku kkono ye Dr. Katongole ne Anita Mago akulembera ekitongole kya RIDO

 

Abantu abalina abaana abalwadde b’ensimbu basabiddwa okukomya okubasosola wabula babayambeko okumanya engeri gye basobola okufunamu obujjanjabi okuva mu malwaliro ate bakomye n’okuloowooza nti ddogo.

Dr. Canaan Kateregga omukugu mu ndwadde z’obwongo mu ddwaaliro ekkulu e Masaka yategeezezza nti ekizibu kino kyeyongera olw’abantu abasinga okulowooza nti obulwadde buno libeera ddogo ne balemererwa okutwala ababulina mu ddwaaliro newankubadde nga eddagala erisobola okubujjanjaba gyeriri.

Bwe yabadde mu kibuga Masaka ku mukolo ekibiina kya Rural Intergrated Development Organization kwe kyatongolezza kaweefube w’okulwanyisa obulwadde buno mu Greater Masaka, Kateregga yayongeddeko nti okumalawo obulwadde buno essira lisaana kuteekebwa ku kusomesa bye balina okukola okuyamba abalina obulwadde buno naddala gye bayinza okuggya eddagala kubanga singa omulwadde ateekebwa ku bujjanjabi okumala emyaka 5  n’ataddamu kugwa bamutwala nti awonye.

“Mu kiseera kino eddwaaliro lifuna abalwadde b’ensimbu ebitundu 30-40 ku buli 100. Ekizibu kino kivudde ku bantu naddala abavubuka abatandika okuzaala nga tebeekebezza bulwadde buno, abazadde abalagajjala okujjanjaba omusujja gw’ensiri mu baana ekivaako okubalinnya ku bwongo ne buvaamu ensimbu wamu n’abakyala abazaalira mu bamulerwa abatalina bukugu kwewala mbeera eziyinza okuleetera omwana obulwadde,” bwe yategeezezza.

Kateregga yasabye gavumenti okwongera ku bungi bw’eddagala ly’ensimbu lye baweereza kubanga lya bbeeyi nnyo ng’empeke emu egula 1200/- oba 1500/- nga bweriba libaweddeko abalwadde kibazibuwalira okugula eddagala lino.

Nina Nankya eyawomye omutwe mu nteekateeka eno eyatuumiddwa ‘Purple Bench’ yagambye nti abaana abalina obulwadde buno basosolwa naddala mu masomero olw’endowooza enkyamu abantu ze balina ku bulwadde buno ng’essira bagenda kuliteeka ku kusomesa bantu ku nkwaata y’abalwadde n’obutabasosola.

 

More From The Author

Emboozi z’omuwandiisi endala

Emboozi endala

Kookifelixssekubuuza31 220x290

Atendeka Kiboga bagikubye ne yeekwasa...

Atendeka Kiboga agamba nti ddiifiri yagisalirizza olwo Kireka n'egikuba mu Big League.

Cfb9be2889d143b0855e06c5321dcb4c 220x290

Kabaka avuddeyo ku binyigiriza...

KABAKA Ronald Mutebi ll, avuddeyo ku binyigiriza abantu n’agamba nti, “Tunakuwala nnyo okuwulira ng’abantu baffe...

Guardiola2 220x290

Guardiola yeekengedde n’azza abazannyi...

Guardiola atidde okuddamu okukubwa Spurs eyabawandudde mu Champions League

Satr 220x290

BUKEDDE W’OLWOMUKAAGA YAFULUMYE...

Tukulaze ebiri mu bubaka bwa Kabaka obwa Paasika, bw’avuddeyo ku balina obuyinza abasengula abantu ku ttaka.

Siiba 220x290

Abeekalakaasi e Sudan balaze Gav't...

Abeekalakaasi e Sudan balaze Gav't gye baagala