TOP
  • Home
  • Agookya
  • Poliisi ekkirizza Zaake okuyimbulwa: Abasawo 15 bamwekejjezza n'asimbula okwolekera Buyindi

Poliisi ekkirizza Zaake okuyimbulwa: Abasawo 15 bamwekejjezza n'asimbula okwolekera Buyindi

By Stuart Yiga

Added 3rd September 2018

KYADDAAKI Poliisi ekkirizza okuyimbula Omubaka wa Munisipaali y’e Mityana, Francis Zaake ku kakalu kaayo. Abasawo bamwekebejjezza n'akkirizibwa okugenda ebweru okufuna obujjanjabi

Ekiwandiikopoliisikweteereddeomubakafranciszaake 703x422

Ekiwandiiko Poliisi kw'eteeredde Zaake. Ku ddyo ng'abasawo bamwekebejja

Ono nga  tannayimbulwa Poliisi yasoose kumuggulako emisango ebiri okuli ogw’okulya munsi olukwe, eri ku fayiro ARU CRB 3444/2018, n’okugezaako okutoloka.

Okusinziira ku munnamateekaawe Nicholas Opio, Zaake alagiddwa  okweyanjula eri Kaminsona wa Poliisi avunaaniyizibwa ku misango gy’ebyokulonda ku kitebe kya bambega e Kibuli nga 3,10,2018, ku ssaawa 4 ez’oku makya.

Ono ku bamweyimiridde  kubaddeko ne ssentebe wa disitulikiti y’e Mityana, Joseph Luzige wamu n’Omubaka wa Mukono South era nga y’akulira akabondo k’ababaka abava mu Buganda, Johnson Muyanja Sennyonga.

Ye  eyeeyimiriddwa kigambibwa nti agaanye okussa omukono gwe ku kiwandiiko kya Poliisi naye nga kino tebakitutte nga kikulu.

Bino bigenze okubaawo nga bambega balemereddwa okujja siteetimenti ku mubaka olw’embeera embi gy’abaddemu.

Abasawo ba Gavumenti 15 bamwekebejjezza

Zaake era yeekebejjezeddwa ekibinja ky'abasawo ba Gavumenti 15 abamukkirizza okugenda ebweru okufuna obujjanjabi obusingawo era Ambyulensi n'esimbulirawo okwolekera ekisaawe ky'ennyonyi e Ntebe. 

We zinaawera essaawa 12 n’eddakiika 45, ajja kuba asimbula okuva ku kisaawe e Ntebe, ayolekere eggwanga lya Buyindi gy’asuubira okufuna obujjanjabi.

 

More From The Author

Emboozi z’omuwandiisi endala

Emboozi endala

Mukwaya703422 220x290

Minisita awabudde ku by'obukytwala...

MINISITA Janat Mukwaya yasinzidde ku media centre mu Kampala ku Lwokutaano n’annyonnyola nti tewali ngeri yonna...

Drstella1562588246355aspr1308w760h581e 220x290

Ogwa Dr. Stella Nyanzi okulebula...

DR. STELLAH Nyanzi, emisango gye egy’okuvuma President Yoweri Kaguta Museveni ng’ayita ku mukutu gwa facebook gya...

Luck 220x290

Empuliziganya kikulu mu bufumbo...

WADDE ssente omuntu asobola okuzifunira mu Uganda, kizibu kino okukikakasa abantu abamu y’ensonga lwaki buli olukya...

Coulple 220x290

By’okola okwewala ekyeyo okusattulula...

RACHEAL 49, yaakamala emyaka 15 mu bufumbo era balina abaana basatu. Emirimu agikolera bweru wa Uganda, wabula...

69403329063enmasterfile 220x290

Omusajja amalako weepimire ku luyimba...

OMUSAJJA amalako alina kwepimira ku luyimba lw’oku leediyo. Bw’ossaako oluyimba naawe n’otandika akaboozi, n’okooyera...