TOP
  • Home
  • Ageggwanga
  • Minisitule erabudde ku mpeke za 'Septrine' eri aba Siriimu

Minisitule erabudde ku mpeke za 'Septrine' eri aba Siriimu

By Muwanga Kakooza

Added 3rd September 2018

MINISITULE y’Ebyobulamu erangiridde nti abalina akawuka ka Siriimu nga ssi kangi mu musaayi tebagenda kuddamu kuweebwa mpeke za ‘septrine.’

Unity 703x422

Uganda AIDS Commission Dr Nelson Musoba ( ku kkono) ng'ayogerera mu lukung'aana lwa bannamawulire olwayindidde ku kitebe kya Minisitule y'Ebyobulamu mu Kampala

Maneja w’ekitongole ekirwanyisa Siriimu ekya ‘Aids Control Programme’ Dr. Joshua Musinguzi, yagambye nti amakerenda ga ‘septrine’ gavumenti egenda kutandika kugawa baakafuna kawuka ka Siriimu n’abaana abali wansi w’emyaka 15.

Yagambye nti okusalawo kuno kwatuukiddwaako oluvannyuma lw’okukizuula nti abantu abalina akawuka akatono mu musaayi tebeetaaga makerenda gano.Bino baabitegeezezza bannamawulire ku kitebe kya minisitule y’ebyobulamu mu Kampala.

Kyokka abamu ku balwanirira eddembe ly’abalina akawuka baagambye nti kino kiyinza okuba nga kyatuukiddwaako olw’ebbula ly’empeke za ‘septrine’.

Omu ku bo Barbara Kemigisha, yagambye nti abantu abamu amakerenda tebagamira ng’omusawo bw’aba alagidde nga bwe bawulira akalembereza nga babiggyamu enta.

Kyokka Musinguzi yagambye nti Uganda erina empeke za septrine ezimala.

Yagambye nti minisitule esasaanya obuwumbi 41 buli mwaka okugula ‘septrine’ n’agamba nti ensimbi ezo bw’eba ezikendeezezza esobola okuzikozesa ku bintu ebirala ebiyamba abalina akawuka ng’okukakebera n’okubanjaba mu ngeri endala.

Abantu emitwalo ettaano be bafuna akawuka mu Uganda buli mwaka nga bakendedde okuva ku mitwalo 90 emyaka ebiri egiyise. Abantu nga akakadde kamu n’emitwalo musanvu abalina akawuka ne bali ku ddagala. Omugatte gw’abalina akawuka gubalirirwa okuba akakadde kamu n’emitwalo 30.                                                                            

More From The Author

Emboozi z’omuwandiisi endala

Emboozi endala

Santi22 220x290

Bamukakasizza ku butendesi bwa...

Solari, eyazannyirako Real wakati wa 2000 ne 2005, okuva lwe yakwata enkasi ya kiraabu eno ng'omutendesi, yaakawangula...

Swingsmadeoutoftireswebuse 220x290

Weenogere ssente ng’oyongera omutindo...

Buli kintu ekiva ku mmotoka tokisuula kuba kirimu ssente ssinga olowooza n'obyongerako omutindo.

Nkonerako 220x290

Nnoonya alina "waaka"

Njagala omukyala alina ku ssente, amanyi omukwano, ng’ali wakati w’emyaka 20-30, talina siriimu kuba nange ndi...

Umar1 220x290

Umar Mwanje atandise okulya ku...

OMUYIMBI Umar Mwanje (ku ddyo) eyayimba ennyimba nga ‘‘Omwana wa musajja, Ttivvi y’omu ddiiro, Nnina ekyejo n’endala...

Buyaga 220x290

Dr. Kisembo anoonya ki e Buyaga?...

DR. Emmanuel Kisembo y’omu ku baalwanirira abatuuze b’e Bukasa, Namataba n’e Kito mu Kira obutagobwa ku ttaka...