TOP

China esonyiye amawanga ga Afrika amabanja

By Muwanga Kakooza

Added 5th September 2018

CHINA egenda kusonyiwa amawanga ga Afrika amabanja .Era egenda kuwa Afrika obuyambi bw’ensimbi obuweza ensimbi za Uganda obuwumbi 226 ($60 billion).

406646011379038548898232808731273706078208n 703x422

Pulezidenti Museveni ng'ali ne munne owa China, XI Jinping

Pulezidenti wa China , XI Jinping yalangiridde bino ng’ayogera mu lukung’ana lw’enkolagana ya China ne Afrika mu kibuga Beijing n’agamba nti amawanga agakyakula China egenda kugawolanga ssente okutali magoba kigasobozesa okwerwanako mu by’enfuna.

Amawanga ga Afrika amanaku agakyali mu mbeera embi, agalina amabanja amangi, agatalina myalo ku nnyanja ennene  n’ago agalina enkolagana ne China ge gagenda okusonyiyibwa amabanja.

Uganda y’emu ku mawanga ga Afrika agagwa mu ttuluba ly’ebisaanizo Pulezidenti Jinping bye yayogeddeko.

Pulezidenti Jinping  yagambye nti China ekyali ku mulamwa gw’okulaba ng'ensi ebeeramu enkulaakulana n’emirembe buli kiseera.

’’ China efuba okulaba ng’etereeza obulamu bw’abantu bonna era egenda kukolagana n’amawanga amalala mu kutumbula eby’entambula ng’okukola enguudo," XI Jinping bwe yategeezezza.

Obuyambi bw’ensimbi ezigenda okuweebwa amawanga ga Afrika bugenda kuyitira mu kuyamba gavumenti wamu n’okukola nayo bizinensi.

Ezimu ku nsimbi ez’okuweebwa Afrika kuliko; ez’obwereere (grants obuwumbi 56 mu za Uganda), looni ezitaliiko kusaba magoba, n’okussaawo ensawo ey’enjawulo ya obuwumbi 18 ez’okuyamba mu nkulakulana ya Afrika. Endala obuwumbi 37 ez’okukola ku kugula ebintu ebikolebwa mu Afrika ne bitundibwa mu China. 

More From The Author

Emboozi z’omuwandiisi endala

Emboozi endala

Club 220x290

Vipers bagitutte mu kkooti lwa...

KIRAABU ya Vipers bagitutte mu kkooti lwa kukozesa akabonero kaayo (logo) nga tebasasudde yakakola. Era eyabawawaabidde...

Afuddebulengabyjmutebi103945 220x290

Abafumbo baziyidde mu nnyumba omukyala...

Abafumbo baziyidde mu nnyumba omukyala n'afa! Babadde basiika kabalagala

Untitled1 220x290

Omuwala namuta ng’ammenya n’olungereza...

Nze Emmanuel Nayebale nga mbeera Kitintale mu Kampala. Bwe nnali naakatandika okwegomba n’okuyingira mu nsonga...

Ssenga1 220x290

Ssenga nnina amaanyi matono

Nnina obusajja butono ate bumpi kyokka n’amaanyi matono ddaala. Ssenga nkoze ntya?

6688203923901413243725744760079814268813312n 220x290

KCCA FC lubabu!

OLWESOZZE semi z'empaka za CECAFA, omutendesi wa KCCA, Mike Mutebi, n'agumya abawagizi ng'ekikopo bwe kibali mu...