TOP
  • Home
  • Buganda
  • Omusajja aloopye mukazi we okumubba naye n’amulumiriza okukukuta  n’omukazi

Omusajja aloopye mukazi we okumubba naye n’amulumiriza okukukuta  n’omukazi

By Paddy Bukenya

Added 6th September 2018

Wabula wabaddewo katemba Lunkuse bw’atuuse ku poliisi n’alangira bba, Bisaso okukukuta n’omukazi gw’ayita ssenga we kumbe mukazi we nga kino kye kyabawalirizza okunoba.

Ebintubyabisasobyakuttenemukaziwe 703x422

Ebimu ku bintu ku mmotoka, Bisaso (mu kafaananyi akatono wansi) by'agamba nti byabbiddwa Lunkuse (mu kafaananyi akatono waggulu).

 

OMUSAJJA atutte mukazi we owoolubuto ku poliisi ng’amuvunaana kumubba
bintu bya mu nju omukazi n’amulangira okumugattika ne ssenga we.

Deo Bisaso 32, makanika w’emmotoka e Mayembegambogo mu kabuga k’e Mpigi
yatutte mukazi we abadde yanobye, Joan Lunkuse ku poliisi y’e Mpigi ng’amuvunaana okumubba ebintu by’omu nnyumba byonna gattako okumusiba olubuto lw’agamba nti si lulwe.

Bisaso okukwata mukazi we ono gw’abadde amaze naye emyaka mukaaga kiddiridde Lunkuse okunoba n’asiba ebintu by’omu nnyumba okuli entebe, ekitanda, emifaliso ebiri, firiigi n’ebirala n’abikweka mu muzigo gwe yapangisizza wabula n’amulinnya akagere n’atwalayo poliisi
ne babitikka ku mmotoka ne mukazi we owoolubuto olukuze n’amutwala ku
poliisi n’amuggulako emisango gy’okubba ebintu n’akakadde k’ensimbi.

Wabula wabaddewo katemba Lunkuse bw’atuuse ku poliisi n’alangira bba, Bisaso okukukuta n’omukazi gw’ayita ssenga we kumbe mukazi we nga kino kye kyabawalirizza okunoba.

Lunkuse ategeezezza poliisi nti Bisaso abadde aleeta omukazi ono gw’ayita ssenga mu maka gaabwe ne bamujooga okutuusa lwe yabategedde nti muganzi we n’asalawo okubaviira beeyagale bulungi.

Ayongerako nti omukazi ono yasooka kubeera nga muwabuzi wa bufumbo bwabwe nga Bisaso amuyita ssenga kyokka oluvannyuma n’atandika okuwabya Bisaso ng’amugamba ng’olubuto bwe lutali lulwe era Bisaso n’atandika okuyomba n’ekigendererwa ky’okumugoba mu maka.

Poliisi y’e Mpigi etegeezezza nti Bisaso yasooka kwekubira nduulu nti Lunkuse yamubbye akakadde k’ensimbi kyokka n’azimuddiza era ne bamuwa amagezi okutabagana bwe kiba kibalemye bagende mu kkooti.

More From The Author

Emboozi z’omuwandiisi endala

Emboozi endala

Thursday991633393 220x290

Abalenzi baleebezza abawala mu...

EKITONGOLE ekivunaanyizibwa ku bigezo mu ggwanga ekya UNEB kifulumizza ebyavudde mu bibuuzo bya PLE ebiraze nti...

105190074ibraronepa 220x290

Zlatan acoomedde Ronaldo: 'Tolina...

ABAALIKO ba Sitta ba Man U batabuse omu n’acoomera munne okweyita kafulu nga talina ttiimu nafu mwe yali azannyidde....

Babuweb 220x290

Abeebikonde beebugira mpaka za...

Ttiimu z'ebikonde ez'enjawulo ziri mu keetalo nga zeetegekera okwetaba mu mpaka za National Boxing Open Championship...

Mugoodaweb 220x290

Bamusaayimuto banattunka mu mizannyo...

Bamusaayimuto e Jinja oluwummula baakulumalako nga basanyufu nga battunka mu mpaka za 'Go Back to School Gala'...

Bampa 220x290

Ekyakonzibya ebikonde bya Uganda...

KIZIBU munnabyamizannyo yenna okukkiriza kati nti omuzannyo gw’ebikonde gwatuusaako Uganda mu kifo ekyokusatu mu...