TOP
  • Home
  • Amawulire
  • Abasawo b’omu Amerika bawadde Bobi Wine ebiragiro

Abasawo b’omu Amerika bawadde Bobi Wine ebiragiro

By Musasi wa Bukedde

Added 12th September 2018

ABASAWO abakola ku mubaka wa Kyaddondo East, Robert Kyagulanyi (Bobi Wine) mu Amerika mu Washington DC bamuwadde ebiragiro ne bamulabula nti bw’abivaako kijja kumubeerera kizibu okutereera.

Img201809060857062 703x422

Bobi Wine ne looya we

Ebiragiro bino biddiridde Bobi Wine okwongera okukaaba obulumi mu mugongo naddala wansi okumpi n’ekiwato. Obulumi obw’amaanyi bumumazeeko ennaku bbiri.

Bobi Wine abasawo baamukebedde ebitundu by’omubiri ebyenjawulo ne bazuula nti ennyama yayongedde okuyingira mu magumba g’oku mugongo kwe kumulagira adde mu ddwaaliro bongere okumwekebejja awatali kutaataaganyizibwa.

Abasawo bamugaanye okukwata amasimu, okwogera n’abaamawulire ssaako n’abantu ababadde bamukyalira okuggyako mukyala we Barbie Itungo.

Bwe twayogedde ne mukyala we Barbie, okusalawo kw’abasawo yakuwagidde olw’ensonga nti bba abadde atandise okwongera okukogga okutuusa abasawo bwe baamutegeezezza nti eddagala ly’akozesa lya maanyi nnyo eryetaaga okuwummula.

Kati buli lw’atawummula, lirina engeri gye limunywa. Bino we bijjidde nga waliwo ebigambibwa nti Bobi Wine abadde alina enteekateeka z’okugendako mu palamenti ya Amerika eya Congress annyonnyole ebyaliwo n’engeri gye yatulugunyizibwa. Bino byonna byayimiriziddwa okutuusa ng’ateredde.

ZAAKE AYONGEDDE OKUTEREERA

Ye omubaka wa Munisipaali ye Mityana, Francis Zaake ali mu ddwaaliro lya Manipal mu Buyindi embeera ye yeeyongera okulongooka.

Era yaggyiddwa mu kasenge k’abayi ne ku byuma. Dan Mugambwa, muganda wa Zaake yagambye nti omubaka Zaake agenda atereera ng’era kati asobola okwogera.

Yagambye nti yamukubidde ku ssimu ne banyumyamu n’amugumya nti ekiseera kyonna agenda kusiibulwa era akomewo ku butaka.

More From The Author

Emboozi z’omuwandiisi endala

Emboozi endala

Mazzi2 220x290

Enkuba egoyezza Bannakampala n'emiraano...

Enkuba egoyezza Bannakampala n'emiraano

Educationpanel703422 220x290

Batadde Gav't ku nninga ku by'okusuubiza...

AKAKIIKO ka palamenti akalondoola ebisuubizo bya gavumenti kagitadde ku nninga olw’okulemererwa okutuukiriza ekisuubizo...

Mulagospecialisedwomenandneonatalhospital3 220x290

Eddwaliro ly'e Mulago eppya liseera...

ABABAKA ba palamenti balaze okutya olw’eddwaliro ly’e Mulago eppya erya gavumenti erijjanjaba abakazi okuba nga...

Gamba 220x290

Ababaka beeyongezza ensimbi mu...

ABABAKA ba palamenti bazzeemu okweyongeza ensako. Okusinziira ku biwandiiko ebikwata ku bajeti egenda okusomwa...

Kujjukiralubiri1 220x290

Buganda ejjukidde emyaka 53 bukya...

Buganda ejjukidde emyaka 53 bukya Lubiri e Mmengo lulumbibwa Obote