TOP
  • Home
  • Agawano
  • Kirumira abadde asooka kulaalika b’atwalako

Kirumira abadde asooka kulaalika b’atwalako

By Ponsiano Nsimbi

Added 12th September 2018

OMUGENZI Muhammad Kirumira abadde asooka kulabula buli atuula mu mmotoka ye. Era bangi ababadde bamusaba okubatwalako ng’asooka kubagamba nti, “bw’oba totya kufa tuula nkutwaleko.’’

131736705311775037218421032422864993791094n 703x422

Omugenzi Kirumira Muhammad

Abamu ku mikwano gya Kirumira kw’ossa aba famire baategeezezza nti emmotoka ya Kirumira babadde bagitya kuba abadde alondoolwa era nga ne Kirumira ye nnyini akibagamba nti n’olumu awalirizibwa okugisimba ebbali w’ekkubo n’alinnya bodaboda oba takisi okweyongerayo gy’abeera alaga.

Mikwano gye n’abooluganda bategeezezza nti, Kirumira abadde atambulira mu kutya era ng’akyogera lunye nti essaawa yonna attibwa abantu abaludde nga bamulondoola buli w’adda.

Bannyonyodde nti abadde talina buzibu kutwalako muntu yenna mu mmotoka ye wabula ng’asooka kukubuuza oba totya kufa.

Jamirah Nagingo yategeezezza nti Kirumira abadde takigamba baaluganda bokka wabula ne mikwano gye kyokka ng’abamu babiyita byakusaaga era ng’abaabimanyira, ne bw’abyogera tebafaayo.

Alex Kalungi yagambye okuva Kirumirwa bwe yamugamba nti oba totya kufa ng’otuula nkutwaleko abadde atiira ddala okutuula mu mmotoka ye.

Yayongeddeko nti olw’omukwano Kirumira gw’abadde nagwo eri abantu, abasinga ebigambo bino babadde babigumira era nga tebatya kutuula mu mmotoka ye yadde azze akyogera lwatu nti waliwo abamulondoola

More From The Author

Emboozi z’omuwandiisi endala

Emboozi endala

Isco 220x290

Isco agenda ku 'kiso'

Abakungu ba Real Madrid baategeezezza nti abasawo beekebezze Isco, ne basanga ng'alina okulongoosebwa mu bwangu...

Mic3webuse1 220x290

Bayiiyizza sigiri eneetaasa obutonde...

Obutonde bw'ensi busaanyiziddwaawo abantu mu kwokya amanda, okutema enku n'ebirala ng'obwetaavu bw'okuyiiya ebintu...

Butwa2 220x290

Babateze obutwa mu busera, omu...

EKIKANGABWA kigudde ku kyalo Katuulo mu ggombolola y'e Kyazanga mu disitulikiti y'e Lwengo omuntu atanamanyika...

Nakiwala 220x290

Nakiwala avuddeyo ku mwana omubaka...

Minisita Nakiwala Kiyingi waakukaka omubaka Onyango okulabirira omwana gwe yasuulawo.

Kambale1 220x290

KCCA etandika ne Soana, Villa ne...

Okusinziira ku nsengeka ya liigi eno eyafulumiziddwa Bernard Bainamani agikulira eggulo, bakyamipiyoni ba sizoni...