TOP

Abadde afera famire ya Kirumira bamukutte

By Musasi wa Bukedde

Added 12th September 2018

WALIWO omusajja eyawulidde okutemula kwa Muhammad Kirumira n’alabawo omuwaatwa w’ayinza okuliira.

Kiru 703x422

Abooluganda nga bakungubagira omugenzi

Obudde bwe bwawungedde ku Mmande n’agenda mu maka g’omugenzi n’abategeeza nti mujaasi azze kunoonyereza ku ngeri gye baatemuddemu omuntu waabwe.

Muganda w’omugenzi ayitibwa Mahad Mugenyasooka yategeezezza nti, omusajja ono yategeerekeseeko erya Kateete ate oluusi yeeyita Mugisha.

Baasoose kumulaba ku lunaku lwe baatemula Kirumira nga yeefudde afaayo ennyo.

Mugenyasooka yagambye nti, baasisinkana agenda Lubaga gye baali batutte Kirumira ne wabaawo omusajja owa booda eyamwesoose okumutwalako ku bwereere e Lubaga.

“Bwe yantuusizza e Lubaga yanninze oluvannyuma lw’esssaawa nga bbiri n’amala n’antwala e Mulago ku ggwanika era y’omu ye yankomezzaawo e Mulago enkeera.

Yaddira ekikooti kye yalina n’akimpa olw’empewo wabula bwe twatuuka awaka ne ngimuddiza”. Bwatyo Mugenyasooka bwe yagambye.

Yayongeddeko nti, yasazeewo okubeesibako n’asulawo era n’ababuulira nti mujaasi ali ku ddaala lya meeja (Major) era akolera mu maka ga Pulezidenti.

Yagambye nti, tebaasoose kumufaako naye ku Mmande ekiro baatandise okumwekengera kuba abantu abaabadde bazze okubakungubagirako baabadde baweddewo awaka naye nga ye agaaniddewo ne batandika okumubuuza bw’abadde ayita omugenzi Kirumira nga tanyega.

Kyabawalirizza okumuggyako essimu, era okugikebera ng’erimu amasimu g’abajaasi n’abapoliisi abanene mu ggwanga.

Okwongera okumwaza ng’alina n’ebbaluwa ya poliisi emulaga nti ali ku kakalu ka poliisi okuva ku poliisi y’omu Kisenyi nga baamuyimbudde wiiki ewedde.

Amangu gano abaamagye abaaweereddwaayo Lt. Gen Henry Tumukunde eri famire ng’abaleetedde obuyambi baamukutte ng’abatuuze batandise okumutimpula n’atwalibwa mu kifo ekyekusifu.

Wabula abamu ku baalabise nga bamumanyi baagambye nti, yali wa bodaboda ng’avugira mu maaso ga poliisi y’e Kibuye nga ku “Prayer Palace” nga yeeyita Mugisha. Era omusajja ono abadde alabibwako nnyo mu nkuhhaana za bannabyabufuzi abavuganya gavumenti era abantu abamu mu Kampala bamumanyi ng’omujaasi.

Muky. Sarah Kalule ssentebe w’e Bulenga B, Kirumira mw’abadde asula yagambye nti; Mu wiiki nga bbiri emabega Kirumira yamutuukirira n’amutegeeza nga bwe waliwo abatemu abamulondoola ku pikipiki ennene era n’amuwa amagezi okugenda ku poliisi aggulewo omusango era tamanyi oba yakikola.

Kuba ye omusango gwali munene nga tasobola kuba na buyambi bwonna.

More From The Author

Emboozi z’omuwandiisi endala

Emboozi endala

Ket1 220x290

Leero mu mboozi z'omukenkufu tukulaze...

Leero mu mboozi z'omukenkufu tukulaze butto wa ovakkeddo gy'ayinza okutasaamu asiriiza entamu ssaako okufuukuuka...

Gwa 220x290

Anoonya omuvubuka ali siriyaasi...

OMWAKA nga gutandika abaana abawala bangi basazeewo okukkakkana era bangi bayigga bavubuka batuufu. Ku bawala 10...

Noonya 220x290

Nnoonya omwami ananjagala n’omwana...

Njagala omwami alina empisa, eyazimba nga mwetegefu okunfunira omulimu n’okugenda ewaffe n’okunjagala n’omwana...

Teba 220x290

Esther weebale kumponya laavu y’abayaaye...

NZE Henry Ssekabo, 26 nkola gwa busuubuzi nga mbeera Kawempe mu muluka gwa Bwaise II, Tebuyoleka Zooni.

Spice 220x290

Maneja Roger ye yamponya okudda...

NG’EBULA ennaku mbale okutuuka ku konsati ya Spice Diana etuumiddwa ‘Spice Diana live concert’ egenda okubeera...