TOP
  • Home
  • Amawulire
  • Gavumenti etadde amaanyi mu masannyalaze g’enjuba

Gavumenti etadde amaanyi mu masannyalaze g’enjuba

By Dickson Kulumba

Added 12th September 2018

OMUMYUKA wa Pulezidenti wa Uganda, Edward Kiwanuka Ssekandi, agambye nti Gavumenti egenda kukulaakulanya buli kintu ekiyinza okuvaamu amasannyalaze aganaayamba okutumbula enkulaakulana mu ggwanga.

Mpaayo 703x422

Ssekandi (wakati) ng’ayogera eri bannamawulire. Ku kkono ye Jose Luis Moya, akulira kkampuni ya Ric Energy, ate ku ddyo ye Pawana Sharma owa Great Lakes Africa Energy.

Ekimu ku bino ge masannyalaze g’enjuba Uganda g’erina mu bungi kyokka nga gabadde tegakozesebwa wadde ng’eggwanga lirina obwetaavu bw’amasannyalaze.

Ssekandi yagambye nti Gavumenti emalirizza okukola entegeka z’okukwanaganya bamusigansimbi okuteekawo ekifo ekinaakola amasannyalaze gano e Kabulassoke mu ssaza ly’e Gomba.

“Tulina ddaamu naye n’enjuba gye tulina wano esobola okutuwa amasannyalaze ne tugakozesa nga tetutaddeewo waya oba emisoso emirala ng’egibeera ku masannyalaze ga ddaamu,” Ssekandi bwe yategeezezza.

Yabadde asisinkanye ekibinja kya bamusigansimbi abagenda okuteeka ensimbi mu pulojekiti y’e Kabulassoke ey’amasannyalaze g’enjuba, mu ofi isi ye Nakasero E Kabulassoke, Kabaka gye yawadde bamusigansimbi ettaka okuteekako pulojekiti esuubirwa okusinga obunene wansi w’eddungu Sahara, ng’ekifo kino kisuubirwa okufulumya amasannyalaze agawera ‘megawati’ 20.

Dr. David Alobo nga y’akulira emirimu mu Xsabo Group, yategeezezza nti kkampuni nnyingi ezeegasse okussa ensimbi mu pulojekiti, era bwe banaamaliriza Kabulassoke, baakugenda mu bitundu ebirala.

Pulezidenti Museveni y’asuubirwa okutongoza enteekateeka eno ku nkomerero y’omwezi gwa November.

Ng’oggyeeko amazannyalaze, bano bagenda kuwagira ebintu eby’enjawulo ng’emizannyo, abakyala, okutumbula obulimi bw’emmwaanyi mu bitundu ebitali bimu mu ggwanga, n’ebirala.

More From The Author

Emboozi z’omuwandiisi endala

Emboozi endala

Jip1 220x290

Ekyabadde mu kutuuza Bisopu w'Abasodokisi...

Ekyabadde mu kutuuza Bisopu w'Abasodokisi e Gulu

Mot2 220x290

Muganda wa Ssemwanga naye bamukutte...

Muganda wa Ssemwanga naye bamukutte ku by’okufera ssente

Pak2 220x290

Mike Mutebi ne Misagga bandibonerezebwa...

Mike Mutebi ne Misagga bandibonerezebwa

Web2 220x290

Ne mu kusoomoozebwa tewava ku Katonda...

Ne mu kusoomoozebwa tewava ku Katonda

Kap1 220x290

Wawanirira Klezia ya St. Agnes...

Wawanirira Klezia ya St. Agnes Makindye