TOP
  • Home
  • Buganda
  • Kanyama wa Bobi WIne agaaniddwa okuyimbulwa

Kanyama wa Bobi WIne agaaniddwa okuyimbulwa

By Musasi wa Bukedde

Added 12th September 2018

Edward Ssebuufu yasimbiddwa mu kkooti wamu ne ddereeva w’ekimotoka ki guleeda ekyalabwako mu bitundu ebyo nga kisibiddwa obuwero obumyufu ng’ono ye Musa Ssennyange.

Mutwee2 703x422

Edward Ssebuufu (wakati) ng'ali mu kasenge awakuumirwa abasibe e Gulu.

Kkooti egaanyi okuyimbula Kanyama wa Bobi Wine n’emugatta mu babaka ba palamenti n’avunaanibwa gwa kulya mu nsi lukwe.

Edward Ssebuufu amanyiddwa nga Eddy Mutwe nga kanyama w’omubaka Robert Kyagulanyi Ssentamu asimbiddwa mu kkooti y’eddaala erisooka e Ggulu n’aggulwako omusango gw’okulya mu nsi olukwe.

Ono yasimbiddwa mu kkooti wamu ne ddereeva w’ekimotoka ki guleeda ekyalabwako mu bitundu ebyo nga kisibiddwa obuwero obumyufu ng’ono ye Musa Ssennyange.

Omulamuzi Musa Ssekaana owa kkooti enkulu ewulira emisango gy’engassi ku Mmande yalagira Ssebuufu ayimbulwe awatali kakwakkulizo konna wabula omuwaabi wa gavumenti, Julius Ochen ategeezezza omulamuzi Yunus Ndiwalana nti ekiragiro ekyayisibwa kyali kiragira ayimbulwe okuva mu kaduukulu gye yali aggaliddwa mu bukyamu.

Bano bawezezza omuwendo gw’abantu 34 abavunaanibwa okulya mu nsi olukwe bwe baakuba mmotoka ya pulezidenti ejjinja ne lyasa endabirwamu.

Puliida wa Ssebuufu,  Tonny Kitara ategeezezza omulamuzi nti ab’ebyokwerinda be baalemesa ekiragiro kya kkooti eky’okuyimbula Eddy Mutwe nga kino kirinnyirira eddembe lw’omuwawaabirwa.

Bano bagattiddwa ku babaka okuli owa Kyadondo East, Robert Kyagulanyi Ssentamu, Kasiano Wadri owa munisipaali ya Arua, Gerald Karuhanga owa Ntungamo, Paul Mwiru owa Jinja East n’eyali omubaka wa Makindye East, Micheal Mabikke nga bano baayimbulwa n’abalala wadde abamu bakyali mu kkomera.

More From The Author

Emboozi z’omuwandiisi endala

Emboozi endala

Langa 220x290

Baganda ba Bashir nabo babakutte...

Bannamagye abaawambye obuyinza e Sudan bakutte baganda ba Omar al-Bashir babiri abagambibwa nti b’abadde akozesa...

Namirembe1omulabiriziluwalirakityongakulembeddeabakrisitaayookutambuzakkubolyamusalabaa 220x290

Tekinologiya aleme kubeerabiza...

Tekinologiya aleme kubeerabiza Katonda - Bp. Kityo Luwalira

Katwe5 220x290

Dokita w’eddwaaliro lya IHK talabikako...

DOKITA mu ddwaaliro lya International Hospital Kampala (IHK) abuze mu ngeri etategeerekeka ekivuddeko akasattiro...

Wanongayebakiddeolubutowebuse 220x290

Engeri gye weebaka esobola okukulwaza...

Engeri gye weebaka n'ekuwa emirembe yandiba nga y'ekendeeza ku myaka gyo

Abamukubakulembezebekasawoababaddebeetabyemulukungaanalunowebuse 220x290

Ab’e Kasawo beemulugunyizza ku...

Ab'e Kasawo bakkukkuluma lwa kubasaba ssente okwewandiisa okufuna densite ng'ate obwavu bubaaguza luggyo