TOP
  • Home
  • Amawulire
  • Aboobuduuka obutunda eddala bagobeddwa mu kibuga: 'Mudde mu byalo'

Aboobuduuka obutunda eddala bagobeddwa mu kibuga: 'Mudde mu byalo'

By Muwanga Kakooza

Added 12th September 2018

BANNANNYINI maduuka amatono agatunda eddagala (drug shops) beekubidde enduulu mu palamenti nga baagala eyimirize ekiragiro ky’ekitongole ekivunaanyizibwa mu ggwanga ekya ‘National Drug Authority’ ekibagoba mu bibuga bagende mu byalo.

Medicines 703x422

Beemulugunya ne ku kiragiro ekibagaana okukolera bizinensi zaabwe mu bitundu ebiraraanye amadduuka amanene agatunda eddagala ezzungu (pharmacies).

Okwemulugunya baakututte wa sipiika Rebecca Kadaga. Kino kiddiridde omuwandiisi wa NDA Donna Kusemererwa okuwandiika ebbaluwa  ng’alagira ab’obuduuka obutono obutunda eddagala obutakolera bizinensi zaabwe mu bbanga litasussa kiromita emu n’ekitundu okuva ku maduuka g’eddagala amanene.

Era n’agamba nti okutandika ne January 2019 ab’obuduuka obutono tebagenda kukkirizibwa kukolera mu bibuga balina kudda mu byalo.

Ssentebe w’ekibiina ekigatta ab’obuduuka obutono obutunda eddagala  ekya ’National Drug Shops Advocacy Initiative’ Dennis Ssenyonjo yagambye nti okugobaganyizibwa kuno kukontana ne konsityusoni  era kukosa ab’obuduuka obutono abawera 9,000 abali ku mirimu.

Konsityusoni egamba nti buli muntu alina eddembe okuba n’ebyobugagwa bwe wamu n’okukola omulimu gwe yasomerera. Era ng’ekiragiro kikontana n’ebiruubirirwa bya NDA ebigamba nti abantu balina okufuna eddagala ku bbeeyi ensaamusaamu.

Uganda erimu amaduuka g’eddagala amanene 1700 ng’ate disitulikiti 60 mu Uganda teziriimu maduuka gano. Era okuwera ab’obuduuka obutono kugenda kuleka obulamu bw’abantu mu matigga bangi era kyakukosa ebyenfuna by’eggwanga.

Obuduuka obutono 11,000 obuli mu ggwanga buleetera Uganda ensimbi obuwumbi 90.
Era baagala minisitule y’ebyobulamu ne NDA okusazaamu ekiragiro kino.

Sipiika yasuubizza okukikolako nga Palamenti tennagenda mu luwummula mu October 2018.

More From The Author

Emboozi z’omuwandiisi endala

Emboozi endala

3f74e568a3684a1eac5d6d555644365318 220x290

Magufuli alagidde abaddukanya ekidyeri...

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John...

Sevo 220x290

Ab'e Rubirizi basabye Museveni...

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza...

Budgetkasaijaweb 220x290

Bawera kusimbira kkuuli enteekateeka...

ABABAKA ku kakiiko ka palamenti akavunaanyizibwa ku byobulimi bawera kusimbira kkuuli enteekateeka z’okuyisa embalirira...

Kola 220x290

Mukolerere obukadde bwammwe - Minisita...

MINISITA omubeezi ow’ebyenguudo Gen. Edward Katumba Wamala akubirizza abantu okukolerera obukadde bwabwe nga bakyalina...

42312484102150760182472974931861717081653248n 220x290

Bobi Wine eby’okutulugunya abantu...

BOBI Wine ne banne eby’okubatulugunya babitutte mu kibiina ky’amawanga amagatte (UN ), era boongedde okukungaanya...