TOP
  • Home
  • Amawulire
  • Ow’emyaka 6 jjajjaawe amusibye ku miguwa n’amukuba mizibu

Ow’emyaka 6 jjajjaawe amusibye ku miguwa n’amukuba mizibu

By Moses Lemisa

Added 14th September 2018

Wabula abamu ku batuuze abaludde nga balaba Nawati ng’atulugunya muzzukulu we ku luno beebaatemezza ku LC eyasitukiddemu n’esanga Nawati ng’asibye omwana amagulu n’emikono ng’amusibidde mu nju amukuba era olwalabye abakulembeze Nawati omwana n’amusindika wansi w’ekitanda.

Nsanjaamyukasentebewassebinazooningaakeberaembaleezirikumwana1 703x422

Nsanja amyuka ssentebe wa Ssebina zooni ng’akebera embale eziri ku mwana. Mu katono ye Nawati.

ABAKULIRA eby’okwerinda ku LC banunudde omwana ow’emyaka omukaaga ku jjajja we eyamusibye emiguwa n’atandika okumukuba kumpi kwagala kumutta.

Abudurakuman  Ssekito 6,   ye yanunuddwa  abakulembeze ba LC ya Ssebina zooni mu muluka gwa Makerere III e Kawempe oluvannyuma lwa jjajjaawe, Masitula Nawati okumusiba emikono n’amagulun’atandika okumukuba ng’amulanga obubbi, emputtu n’ekyejo.

Wabula abamu ku batuuze abaludde nga balaba Nawati ng’atulugunya muzzukulu we ku luno beebaatemezza ku LC eyasitukiddemu n’esanga Nawati ng’asibye omwana amagulu n’emikono ng’amusibidde mu nju amukuba era olwalabye abakulembeze Nawati omwana n’amusindika wansi w’ekitanda.

Nawati yategeezezza nti kituufu omusango yagukoze kuba omwana aludde ng’ababba enva, sukaali  n’ebirala.  Yagasseeko nti  Ssekito mwana wa muwala ng’abadde naye omwaka mulamba wabula waliwo lwe  yamulemerera n’amuddiza nnyina, Haisha Nabatanzi abeera e Bwaise kyokka naye n’amulemwa olw’obubbi n’amumuddiza.

Isma Nsanja omumyuka wa ssentebe wa LC ya Ssebina yategeezezza nti  abazadde bangi balina omuze gw’okutulugunya abaana kye yagambye nti nga LC terina gw’egenda kuttira ku liiso  bajja kukwatibwa amateeka gabalamule. Nawati yasoose n’atwalibwa ku poliisi y’oku kaleerwe n’agulwako omusango gw’okutulugunya omwana ku fayiro nnamba SD:20/11/09/2018 oluvannyuma yatwaliddwa ku poliisi y’e Wandegeya

Wabula omukyala ono si gwe mulundi gwe ogusoose ng’atulugunnya abaana kuba poliisi yamukwatako mu nsonga ze zimu era abaana ne bamuggyibwako.

More From The Author

Emboozi z’omuwandiisi endala

Emboozi endala

Thursday991633393 220x290

Abalenzi baleebezza abawala mu...

EKITONGOLE ekivunaanyizibwa ku bigezo mu ggwanga ekya UNEB kifulumizza ebyavudde mu bibuuzo bya PLE ebiraze nti...

105190074ibraronepa 220x290

Zlatan acoomedde Ronaldo: 'Tolina...

ABAALIKO ba Sitta ba Man U batabuse omu n’acoomera munne okweyita kafulu nga talina ttiimu nafu mwe yali azannyidde....

Babuweb 220x290

Abeebikonde beebugira mpaka za...

Ttiimu z'ebikonde ez'enjawulo ziri mu keetalo nga zeetegekera okwetaba mu mpaka za National Boxing Open Championship...

Mugoodaweb 220x290

Bamusaayimuto banattunka mu mizannyo...

Bamusaayimuto e Jinja oluwummula baakulumalako nga basanyufu nga battunka mu mpaka za 'Go Back to School Gala'...

Bampa 220x290

Ekyakonzibya ebikonde bya Uganda...

KIZIBU munnabyamizannyo yenna okukkiriza kati nti omuzannyo gw’ebikonde gwatuusaako Uganda mu kifo ekyokusatu mu...