TOP

Poliisi eweze ebikujjuko mu kudda kwa Bobi Wine

By Muwanga Kakooza

Added 19th September 2018

POLIISI erangiridde amateeka agagenda okugobererwa mu kudda kw’omubaka wa Kyadondo East Robert Kyagulanyi amanyiddwa nga ‘Bobi Wine’ mw’eweredde ebikujjuko n’enkung’ana zonna ezibadde ziyinza okubaawo mu kudda kwe.

Kayima 703x422

Omwogezi wa poliisi Emilian Kayima (ow’okubiri ku kkono) n’abakungu abalala okuli Asuman Mugenyi (asooka ku kkono), Moses Kafeero ne Norman Musinga .

POLIISI erangiridde amateeka agagenda okugobererwa mu kudda kw’omubaka wa Kyadondo East, Robert Kyagulanyi amanyiddwa nga ‘Bobi Wine’ mw’eweredde ebikujjuko n’enkung’aAna zonna ezibadde ziyinza okubaawo mu kudda kwe.

Bobi Wine olunaAtonnya ku kisaawe e Ntebe ajja kwanirizibwa ba famire ye yokka n’oluvannyuma ab’ebyokwerinda bamuwerekere okumutuusa mu maka e Magere ku lw’e Gayaza.

Bobi Wine abadde mu Amerika gye yagenda okujjanjabirwa oluvannyuma lw’okufuna obuvune mu kanyoolagano k’okukwatibwa ab’ebyokwerinda mu kibuga Arua gye yali ne banne nga bagenze okunoonyeza omubaka Kasiano Wadri akalulu.

Yakwatibwa n’abantu abalala 33 ne baggalirwa ku by'okukanyugira emmotoka za Pulezidenti Museveni amayinja ne bayasaako emu endabirwamu era emisango giri mu kkooti e Gulu. Ogw’okusangibwa n’emmundu gavumenti gwe yali emutaddeko yagumuggyako.

Nga boogera eri bannamawulire mu Kampala abakungu ba poliisi okwabadde  omwogezi wa poliisi mu ggwanga, Emilian Kayima abadde n’abanene ba poliisi  abalala baategeezezza.

‘’Tukitegedde nti omubaka Robert Kyagulanyi akomawo nkya ku Lwokuna nga September 20. Ajja kwanirizibwa ba famire ye bokka era abeebyokwerinda bagenda kumukuuma okuva e Ntebe okumutuusa mu maka ge e (Magere)’’.

Poliisi etegeezezza ekitegedde  nti waliwo abantu abagenda bagaba T’ Shirt emmyuufu  n’okukunga abalala okwetaba mu bikujjuko by’okumwaniriza n’egamba nti bino bimenya mateeka era tebigenda kukkirizibwa kuba bijja kutataaganya enzirukanya y’emirimu.  

More From The Author

Emboozi z’omuwandiisi endala

Emboozi endala

Wanikaamaguluwebuse11 220x290

Bw'oyamba omuntu azirise nga tonnamutuusa...

By'olina okukola okuyamba omuntu azirise nga tonnamutuusa wa musawo okumutaasa obuzibu obuyinza okumutuukako

Lan1 220x290

Mbogo ne Kibuli beddizza ez'amasomero...

Mbogo ne Kibuli beddizza ez'amasomero mu Badminton

Gr2 220x290

Abagambibwa okutta owa Mobile Money...

Abagambibwa okutta owa Mobile Money babazizza e Zzana

Hat1 220x290

Ebivuddeko ettemu okweyongera

Ebivuddeko ettemu okweyongera

Pop1 220x290

Ab'ebyokwerinda boogedde ku mbeera...

Ab'ebyokwerinda boogedde ku mbeera y'ebyokwerinda mu ggwanga