TOP
  • Home
  • Amawulire
  • Leero mu mboozi z'Omukenkufu tukulaze ennima ya ‘Flax’ ekuwa ssente mu myezi ena

Leero mu mboozi z'Omukenkufu tukulaze ennima ya ‘Flax’ ekuwa ssente mu myezi ena

By Musasi wa Bukedde

Added 19th September 2018

WIIKI ewedde nawandiise ku birime by’osobola okulima n’ofunamu ssente mu nkuba eno etonnya. Ekimu ku bye nakonyeeko kye kya ‘flax’ era abasomi bange ne bansaba okwongera okulambulula ku nnima ya ‘flax’ ezza amagoba.

Funayo1 703x422

Ensigo za ‘Flax’ nga bwe zifaanana.

ENTEEKATEEKA Y’ENNIMIRO

Ennimiro w’ogenda okulima olina okusooka okugikabala obulungi n’ogonza ettaka. Funa ekigimusa ekya nakavundira, obusa, kalimbwe avudde mu nkoko ez’amagi nga biwoze bulungi.

Bitabule mu ttaka ly’ogenda okusimbamu obusigo bwo. Bw’oba tosobodde kutabulamu nga tonnasimba, oyinza okugimusiza kungulu. Musimbe butereevu mu binnya by’osimye mu layini.

Okuva ku kikolo ekimu okutuuka ku kirala lekawo ffuuti bbiri ate ne mu layini wakati nawo olekewo ffuuti bbiri.

Mu binnya mw’osimba, birina okuba bya yinsi ssatu kungulu ne wansi. Kino kitegeeza nti okwanguyirwa okusima ebinnya olina okuba ng’okozesa akaguwa.

Omukebe gumu ogwa 10,000/- gusimba yiika. Simba obusigo busatu mu kinnya. Ssinga obeera tewatabula ttaka, lindako bumale okumera ogimusize kungulu, kuba bw’okikola nga waakasimba kijja kuvunza obusigo.

Nga bumaze okumera, ebigmusa biteeke mu mabanga agali mu layini. Mukuume nga temuli muddo, kasita atandika okumulisa teekako ebigimusa nga birimu ekirungo kya ‘Potassium” okugeza NPK.

Bw’oba tosobola kugula NPK, funa ebikolokoomba n’ebikuta by’amatooke obikaze n’oluvannyuma obyokye, evvu eribivaamu olifuuyireko ng’otabula kkiro emu mu liita z’amazzi 20.

Potassium ayamba ekirime kino okubala obulungi, okugejja n’okuvaamu butto omungi bw’otuuka okukikamula.

Ate bw’oba nga wakozesa obusa kimuyamba obutakulukuta n’anywera mu ttaka ekirime kyo ne kifunamu.

Ensigo nga zikyali nto, zijja kubeera mu kapiira akakiragala era bw’olaba nga kengedde omanya nti akuze, ng’onogamu obwo bwokka obwengedde obwanike mu kifo ekitukula obulungi.

Buteeke mu buveera obupya n’oluvannyuma obukube buveemu owewe bulungi. Bw’omala okuwewa buleete tubugule ku 20,000/- buli kkiro.

Osobola okumunogera emyezi mukaaga wabula agenda akendeera mpolampola ng’ebirime ebirala bwe biri.

Ennimiro esobola okuwangaala emyaka ebiri. Gw’okungudde osobola okuddamu n’omusimba era naye akola bulungi.

Wiiki ejja ngenda okukulaga emigaso gy’ebyobulamu egiri mu ‘Flax’ Asangibwa ku Equatorial Mall dduuka nnamba 152 mu Kampala. Mufune ku 0702061652 / 0779519652.

More From The Author

Emboozi z’omuwandiisi endala

Emboozi endala

Oketchinstructinghisstudentswebuse 220x290

Oketch obwavu abugobye na kukola...

Mu kukola fulasika z'embaawo mwe nfuna ssente

Wanikaamaguluwebuse11 220x290

Bw'oyamba omuntu azirise nga tonnamutuusa...

By'olina okukola okuyamba omuntu azirise nga tonnamutuusa wa musawo okumutaasa obuzibu obuyinza okumutuukako

Lan1 220x290

Mbogo ne Kibuli beddizza ez'amasomero...

Mbogo ne Kibuli beddizza ez'amasomero mu Badminton

Gr2 220x290

Abagambibwa okutta owa Mobile Money...

Abagambibwa okutta owa Mobile Money babazizza e Zzana

Hat1 220x290

Ebivuddeko ettemu okweyongera

Ebivuddeko ettemu okweyongera