TOP

Bba w’omuserikale bamukwatidde mu bubbi

By Paddy Bukenya

Added 20th September 2018

BBA w'omuserikale wa Poliisi bamukwatidde mu bubbi ng’amenya edduuka abatuuze ne bamukuba ne bamwasa omutwe ne bookya n’emmotoka ye.

Bba 703x422

Waswa Ssempijja bba w’omuserikale akola ku kunoonyereza ku buzzi bw’emisango ku poliisi y’e Kanoni mu Gomba, Hellen Hashya yakwatiddwa abatuuze b’e Bukasa mu ggombolola y’e Kituntu mu Mpigi ng’agezaako okumenya edduuka ly’omutuuze.

Ssempijja ng’ono musawo wa kinnansi e Waduduma mu Bulo-Butambala okukwatibwa kiddiridde abatuuze b’e Bukasa okuwulira ababbi abamenya edduuka lya mutuuze munaabwe ategeerekeseeko erya Kigundu ne bakuba enduulu ababbi ne badduka ne balekawo emmotoka gye bagiddemu ekika kya Premio nnamba UAL 300T.

Oluvannyuma Ssempijja yakomyewo okuginona we baamukwatidde. Poliisi yeyamutaasizza ku batuuze olwo ekiruyi abatuuze ne bakimalira ku mmotoka eyabengeye n’eggwawo.

Okusinziira ku batuuze, babadde baludde nga baliimisa mmotoka y’ababbi eno era nga yasoose kulawuna akawungeezi olwo ne babalumba ku ssaawa 9:00 ez’ekiro ne batandika okumenya amaduuka.

Ssempijja ebyokubba abyegaanye n’ategeeza nti mmotokaye abadde agirese ku loogi ng’agenze kuwummulamu n’asanga nga bagigyewo kwe kugiwondera ne bamukwata. Yayise mukyala we omuserikale, Hashya amuyambe okumuwolerezaako kyokka poliisi n’emwongerayo e Mpigi.

Mu mmotoka mwasangiddwaamu magalo ennene, emisumeeni n’ebyuma ebirala ebyeyambisibwa mu kumenya amayumba ne jaketi y’amagye kyokka n’abyegaana nti kirabika mulwaddewe yeyabitaddemu.

More From The Author

Emboozi z’omuwandiisi endala

Emboozi endala

Namatambaga1 220x290

Muwala wa Katikkiro Mayiga agattiddwa...

Muwala wa Katikkiro Mayiga agattiddwa ne kabiite we mu kitiibwa

Kiru10 220x290

Abavubuka mwagale nnyo ensi yammwe...

Abavubuka mwagale nnyo ensi yammwe nga Kirumira bwe yakola - Bobi Wine

Twa 220x290

Museveni agguddewo olutalo oluggya...

PULEZIDENTI Museveni atongozza kaweefube ow’enjawulo agenderera okumalirawo ddala Siriimu omwaka 2030 we gunaatuukira....

Many 220x290

Eyazadde abaana 5 omulundi gumu...

Honoranta Nakato, 44, abaana yabazaalira mu ddwaliro lya Women’s Hospital ,International and Fertility Centre e...

Dpn6kdew0aa2dy 220x290

Putin asuubizza okuyamba Uganda...

PULEZIDENTI wa Russia, Vladimir Putin, akubagizza Uganda olw’okufiirwa abantu abasoba mu 46 abaabuutikiddwa ettaka...