TOP

Bobi Wine alangiride ekiddako

By Musasi wa Bukedde

Added 22nd September 2018

ENKAMBI ya Bobi Wine erangiridde nti erumba Masaka ekube olukung'aana olw’amaanyi okunnyonnyola abantu ku biriwo mu ggwanga.

Funa 703x422

Akuliddemu enteekateeka zino, Samuel Lubega Mukaaku, yategeezezza nti olukuhhaana luno lwakubeerawo ng’ennaku z’omwezi 28/9/2018, nga lwakugatta disitulikiti endala nnya.

Mukaaku agamba nti olukung'aana luno era bajja kulweyambisa okuddamu okugatta UYD.

Yagambye nti omulamwa omukulu kunnyonnyola bigendererwa bya People Power naddala mu kiseera kino nga bwekyamaze okweraga nti abantu batandise okufaayo ku bigende mu maaso mu kisinde kya People Power.

Mukaaku yasoomozza ababadde balowooza nti ekisinde kya People Power kya Bobi Wine yekka ng’omuntu, n’agamba nti kino kyavuddewo okusinziira ku bungi bw’abantu abaabadde beewaddeyo okwaniriza omuntu waabwe.

Yayogedde ku mbeera eyabaddewo ku Lwokuna n’agamba nti baakubirizza abawagizi baabwe obutasika muguwa na babyakwerinda olw’obutayagala bawagizi baabwe kufunira buzibu mu kavuyo kano kyokka ekyabasanyusizza, bwe bunkenke gavumenti bwe yabaddeko n’eragira ddala amaanyi ga Bobi Wine n’ekisinde kya People Power aba gavumenti kye baasooka okunyooma.

Bannabyabufuzi ab’enjawulo baayogedde ku mbeera gye baayiseemu eggulo era eyali omubaka wa Makindye East Micheal Mabikke yagambye nti baamusibidde mu maka ge kyokka yasobodde okwebba n’agenda e Magere okwegatta ku banne okwaniriza Bobi Wine.

Mabikke yategeezezza nti abantu baabwe bangi baabakute n’abalala ne babalemesa okutuuka ku kisaawe ky’ennyonyi e Ntebe kyokka wadde baakikoze ekisinde kyeyongedde buganzi.

Yagambye nti obukiiko butaano obwasiddwaawo okukola ku kwaniriza Bobi Wine bw'akoze nnyo era bammemba baabwo bagenda kutuula leero okwongera okugaziya ekiddako kubanga kati People Power ekoledde nga luyiira lwa muliro mu kusaasaanira eggwanga era tewali asobola kuluzikiriza kati.

Sulaiman Kidandala yagambye nti bagenda mu maaso n’okwetegereza embeera naddala abantu baabwe abaakwatiddwa okulaba nga babaggya mu buduukulu bwa poliisi.Yayongeddeko nti ebyabaddewo biraga bulungi nti kati ekisinde kino kya bantu bonna abakooye embeera embi.

“Buli kitundu wakirabye nga kirina abantu baakyo abakiragira eky'okukola. Tewali atambula kugenda mu kitundu kirala wabula ababeera mu bitundu bo bennyini be basalawo eky'okukola akabonero akaalaze nti embeera eri mu ggwanga ekwata ku bonna naye si ya muntu omu” Kidandala bwe yagambye.

More From The Author

Emboozi z’omuwandiisi endala

Emboozi endala

Mema 220x290

Eyanoonyeza mu Bukedde ayanjudde...

ENDUULU ez’olulekereeke zaakubiddwa abeetabye ku mukolo nga Hadijah Namakula omutunzi w’engoye ayanjula bba Musa...

Lina 220x290

Balamu bange bannemesa eddya

NZE Grace Kentuwa 28, mbeera mu Zooni 7 e Makerere Kikoni mu muluka gwa Kawempe. Twasisinkana ne baze mu 2014 e...

Sadblackcouple 220x290

Omwami wange alina buzibu ki?

OMWAMI wange ansobedde. Nga tugenda okwebaka tayagala kwegatta naye mu kiro ssaawa nga 9:00 mu matumbibudde ankwata...

Rupiny1 220x290

Africell eyiye kavu wa bukadde...

KAMPUNI y’amasimu eya Africell etadde kavu wa bukadde 15 mu mpaka z’omupiira ez’okukuza amazaalibwa ga Yesu ezitegekeddwa...

Title 220x290

BUKEDDE W’OLWOKUTAANO YATUUSE DDA...

Militale etandise ebikwekweto bya Ssekukkulu era eyodde 200 abatigomya Kampala n’emiriraano.