TOP

Bobi Wine ayogeza maanyi

By Musasi wa Bukedde

Added 22nd September 2018

NGA yaakatuuka mu maka ge e Magere, yayogezza maanyi wakati mu bikumi n’ebikumi by’abawagizi be abaakuhhaanye okumukulisaayo mu Amerika. Yaweze enkolokooto nti we yakoma waagenda okutandikira.

421977467557107247997131145953289536274432n 703x422

‘Ndi musanyufu okuba nga nkomyeewo mu nsi yange mwe banzaala. Sirina gye ndaga, nja kufiira wano,’ Bobi Wine bwe yategeezezza wakati mu mizira bakira egiva mu bawagizi obwedda abasaakaanyiza waggulu nti ‘obeewo Empologoma y’e Magere’.

Yagambye nti tajja kuggya kigere ku muliro n’avumirira ekya poliisi okumukunguzza ng’emuggya ku kisaawe n’agamba nti kyabadde kikolwa kya butiitiizi.

Yagambye nti abaserikale baamuvumbagidde ava ku nnyonyi.

Yagasseeko nti ng'atuuziddwa mu mmotoka baamuggyeko omuggo gwe yabadde atambuza n’enkoofiira ne bamuteeza nti bamutwala waka kyokka n’abasaba bamukkirize atuule n’omubaka Winnie Kiiza gwe yazze naye kyokka ne bakigaana.

Yababuuzizza ebibuuzo ng’ayagala okumanya lwaki bamukwata era yabadde azizza misango ki? nga tebamunyega."

Bobi agamba mu mbeera eno, teyayise mu mitendera mituufu omuntu ayingira eggwanga okuva ebweru gy'agoberera era abeebyokwerinda baamuwambyeko paasipooti n’empapula ze endala.

Ku nsonga y’obulwadde yagambye nti wadde kati alina enjawulo y’amaanyi, akyalumizibwa mu mugongo ne mu kibegabega ekya ddyo era aky’ali ku ddagala lye baamuwadde n’asuubiza okwogera ebisingawo mu lukuhhaana lwa bannamawulire lwatuuza leero.

More From The Author

Emboozi z’omuwandiisi endala

Emboozi endala

Laga 220x290

Aba NRM ababeera mu mawanga g'ebweru...

SSABAWANDIISI wa NRM Kasule Lumumba asabye Bannayuganda abali mu mawanga g’ebweru okukomya okusiiga ensi yabwe...

Pata 220x290

Babakutte balimira mu kibira ky’e...

OMULAMUZI akulira kkooti ento e Masaka, Deogratious Ssejjemba yeesitudde n’agenda e Kasanje mu ggombolola y’e Kyesiiga...

Mate 220x290

Babakutte balimira mu kibira ky’e...

POLIISI y’e Mpigi ngeri wamu n’abakulira ekitongole ky’eby’ebibira mu ggwanga ekya National Forest Authority (NFA)...

Gano 220x290

Omugagga asenze ebintu bya Klezia...

KLEZIA n’abatuuze abalina ebibanja ku kyalo Nkakwa mu ggombolola y’e Ssi - Bukunja mu disitulikiti y’e Buikwe,...

Wanga 220x290

Obwaddereeva buliko emyaka gy’otolina...

OLUVANNYUMA lw’Omulangira Phillip bba wa Kwiini wa Bungereza, Elizabeth okufuna akabenje ng’avuga mmotoka ku myaka...