TOP
  • Home
  • Ageggwanga
  • Ab'e Kanyanya beewozezzaako ku ssente za Pulezidenti

Ab'e Kanyanya beewozezzaako ku ssente za Pulezidenti

By Moses Lemisa

Added 23rd September 2018

ABABAZZI abakolera ku Bbiri basambazze ebyogerwa nti baabulankanya ssente n’ebyuma Pulezidenti bye yabawa.

Gendako1 703x422

Abavubuka nga bakola entebe.

Baalaze ebimu ku byuma bino ne bategeeza nti ababavuganya ne bagenda balimba abantu.

Abasuubuzi abasoba 2,000 abeegattira mu kibiina kya ‘Ku Bbiri Furniture Maker’s Development Initiative’ omuli ababazzi b’entebe, ebitanda, abatunga, abafumbi b’emmere, abatunda ebyokunywa mu kaweefube w’okulwanyisa obwavu Pulezidenti Museveni mu October wa 2017 yabawa ssente 100,000,000/- n’ebyuma ebikozesebwa mu bajjiro, ebyalaani n’emmotoka ekika kya Canter nnamba UBA 036U bagikozese mu mirimu gyabwe.

Wabula wiiki ewedde ku Lwokutaano Pulezidenti bwe yabadde e Kawempe ng’agabira abavubuka ssente omusajja yasituse n’ategeeza Pulezidenti nti, ebyuma ebyaweebwa ababazzi Ku Bbiri baabitunda dda ekyanyizizza ababazzi.

Godfrey Kizito 52, ssentebe w’abasuubuzi ku Bbiri yategeezezza nti, bwe baafuna ssente abasuubuzi bazze bazeewola ne bongera mu bizinensi zaabwe awatali kusosola wadde mu byobufuzi.

Yagambye nti nga baakaweebwa ssente abasuubuzi abaalina ebigendererwa byabwe baatandika okugamba nti ebyuma babitunze ekitali kituufu.

“Pulezidenti nga bamaze okumugamba nti twatunda ebyuma n’emmotoka yasindise ababaka ne babiraba kati tetumanyi lwaki bagenda batwogerera bubi”, Kizito bwe yategeezezza.

Yayongeddeko nti waliwo abavubuka abaalagirwa okwekolamu obubinja bw’abantu bataano buli omu ne bamuwola ssente 500,000/- ng’azizzaayo oluvannyuma lw’emyezi mukaaga n’amagoba ga ssente 100,000/-.

Abalina bizinensi ennene babawola nga bawaddeyo omusingo era abasoba 300 bafunye ku ssente zino ne bazizzaayo.

Yayongeddeko nti, ku ssente zino baakozesaako 28,000,000/- ne bazimba olutindo ku mwala we bayisa ebikozesebwa.

Moses Kigozi ssentebe wa Min Triangle omuli ababazzi abamu yategeezezza nti, abagamba nti ababazzi ebyuma baabitunda kirabika waliwo ababiteekamu ebyobufuzi n’agattako nti abavubuka bangi mu kiseera kino balina emirimu.

More From The Author

Emboozi z’omuwandiisi endala

Emboozi endala

Nyiga1 220x290

Ensi egudde eddalu: Abeebyokwerinda...

TWABADDE tukyewuunya abakulira ekitongole kya ISO okulemesa ababaka ba Palamenti okulambula amakomera ag’ekimpatiira,...

Kiwa 220x290

‘Omwana ayagala okutwala ebyange...

JORDAN Ssebuliba Kiwanuka 40, atabuse lwa byabugagga bya kitaawe Mohan Kiwanuka Musisi 69, n’atuuka n’okukimuteekako...

Kolayo1 220x290

Supreme Mufti avumiridde 'safe...

SUPREME Mufti, Sheikh Kasule Ndirangwa avumiridde ebifo ebitali mu mateeka omusibirwa abantu by’ayogeddeko ng’ebiwa...

Walk 220x290

Batankanye enfa ya Bannayuganda...

POLIISI ebakanye n’okunoonyereza ku gimu ku mirambo gya Bannayuganda egyakomezeddwaawo okuva mu Buwarabu gye bafi...

Title 220x290

Kayihura bamutaddeko nnatti obutalinnya...

GAVUMENTI ya Amerika eweze eyali omuduumizi wa poliisi, Gen. Edward Kale Kayihura okulinnya ekigere mu ggwanga...