TOP
  • Home
  • Diaspora
  • Bannayuganda abasuubulira e Juba beekubidde enduulu ku kya Gav't yaayo okubatwalako akatale

Bannayuganda abasuubulira e Juba beekubidde enduulu ku kya Gav't yaayo okubatwalako akatale

By Muwanga Kakooza

Added 23rd September 2018

SIPIIKA Rebecca Kadaga agambye nti akitegeddeko nti gavumenti ya South Sudan eyagala kweddiza katale akaazimbibwa Bannayuganda era bakoleramu emirimu mu kibuga Juba n’asaba ab’obuyinza mu ggwanga eryo okuyingira mu nsonga ezo.

Kadas 703x422

Sipiika ng’asisinkanye abasuubuzi Bannayuganda e Juba

Yasabye sipiika wa palamenti y’e South Sudan Athony Lino Makana okuyingira mu nsonga zino okulaba nga Bannayuganda abasuubulira e Juba basigaza akatale kano akaweza yiika nga 17.

Bino byaddiridde Kadaga okusisinkana abasuubuzi Bannayuganda abakolera e Juba abeegattira mu kibiina kya  ‘’Famms Kwagalana traders Association South Sudan’’ era nga bano be bakolera mu katale akasinga obunene mu kibuga Juba.

Kadaga ali Juba okwetaba mu lukung’ana lwa basipiika ba Palamenti z’amawanga g’Obuvanjuba bwa Afrika era yayaniriziddwa mukulu munne Makana ku kisaawe e Juba,okusinziira ku mawulire agaafulumiziddwa palamenti ya Uganda.

Bannayuganda abakolera e South Sudan emirimu egitali naddala egy’obusuubuzi nga batwalayo n’okutundirayo ebyamaguzi.

Bukyanga South Sudan yeefuga, Bannayuganda babadde bagenda nnyo mu ggwanga eryo kyokka batera okwemulugunya nti olumu bayisibwa bubi.

Oluvannyuma lw’obutakkaanya obubaddewo mu by’obufuzi mu ggwanga eryo wakati wa Pulezidenti Salva Kiir n’eyali omumyuka we,  Riak Machar  okumalibwawo Bannayuganda basuubirwa okweyongera  okweyiwa e South Sudan okukolerayo emirimu.

More From The Author

Emboozi z’omuwandiisi endala

Emboozi endala

Nabagereka11 220x290

Okwanjula kw'omuyimbi Rema Namakula...

Okwanjula kw'omuyimbi Rema Namakula mu bifaananyi

Chile1 220x290

CHILE EGOBYE ABAZANNYI

EKIBIINA ekifuga omupiira mu Chile kigobye abazannyi 20 mu nkambi lwa kuwagira bannansi abeekalakaasa nga baagala...

Ssekamanya00webuse 220x290

Obutabanguko mu maka bwongedde...

Omusumba eyawummula, Mathias Ssekamaanya asabye abafumbo okufunaolunaku bakubaganye ebirowoozo ku ntambula y'amaka...

Kib2 220x290

Obadde okimanyi nti Kkiro 100 ez'emmwaanyi...

Obadde okimanyi nti Kkiro 100 ez'emmwaanyi zikuwa obukadde 4 bw'ozikamulamu butto ? Soma emboozi y'omukenkufu

Mesachssemakulanemukyalawe 220x290

Mesach njagala mbaga

Sarah Nakkaayi mukyala w'omuyimbi Mesach Ssemakula (Golden Papa) ateze bba akamasu. Amusuddeko akabaga k'amazaalibwa...