TOP
  • Home
  • Amawulire
  • Magufuli alagidde abaddukanya ekidyeri ekyasse abantu baggalirwe

Magufuli alagidde abaddukanya ekidyeri ekyasse abantu baggalirwe

By Musasi wa Bukedde

Added 23rd September 2018

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John Pombe Magufuli atabuse n’alagira abakungu bonna ababadde baddukanya ekidyeri kino okukwatibwa baggalirwe.

3f74e568a3684a1eac5d6d555644365318 703x422

Abadduukirize nga bannyulula emirambo mu mazzi

Emirambo 136 gye gyasoose okunnyululwa era ku makya g’Olwomukaaga, balubbira ne badda mu nnyanja okunoonya emirambo emirala era nga waliwo okutya nti abantu bonna 200 abatalabikako bandiba nga baafiiridde mu nnyanja.

Ekidyeri kino ekiyitibwa MV Nyerere kyabbidde nga kinaatera okutuuka ku kizinga ky’e Ukara ku ludda lwa L. Victoria (Nnalubaale) olw’e Tanzania mu ssaza ly’e Mwanza.

Kyabadde kiva Bugorora mu Tanzania era nga kitisse abantu abasukka mu 400 kw’ossa ebyamaguzi.

Emirambo 218 gye gyakannyululwa mu nnyanja ne giteekebwa ku lukalu.

Abooluganda lw’abantu abaafudde obwedda balindidde ku lukalu wakati mu maziga era ng’omulambo oguggyibwayo gusooka kwetegerezebwa abooluganda, oluvannyuma ne bagusabika ebiveera.

Okutikka akabindo kigambibwa okuba nga kye kyavuddeko akabenje era awo Magufuli w’asinzidde okulagira abakivunaanyizibwako bonna okuli n’abaabadde basigadde mu ofiisi, bakwatibwe baggalirwe era bavunaanibwe okulagajjalira emirimu ekyavuddeko abantu abangi bwe batyo okufa.

Ekidyeri kino kiteekeddwa okutikka abantu abatasukka 100, wabula we kyafunidde akabenje kyabadde kitisse abasoba mu 400 ate nga kuliko n’ebyamaguzi bingi.

Nti abantu bangi baabadde bayaayaana okugendera ku kidyeri kubanga lwabadde lunaku lwa katale ka mubuulo e Bugorora ku kizinga ky’e Ukerewe era abaabadde bava mu katale beeyiye ku kidyeri, obuzito ne buyitirira.

Abasinga baabadde n’emigugu gy’ebyamaguzi byabwe era baatudde nagyo, ne gujabagira.

Omuduumizi wa poliisi e Tanzania Simon Sirro Mwanza yagambye nti bakyalina obweraliikirivu ku kweyongera kw’omuwendo gw’abaafiiridde mu kabenje kano kubanga n’abantu 40 kw’abo be baasobodde okuggya mu nnyanja nga bakyali balamu, embeera yaabwe nayo yabadde yeeraliikiriza.

More From The Author

Emboozi z’omuwandiisi endala

Emboozi endala

Rupiny1 220x290

Africell eyiye kavu wa bukadde...

KAMPUNI y’amasimu eya Africell etadde kavu wa bukadde 15 mu mpaka z’omupiira ez’okukuza amazaalibwa ga Yesu ezitegekeddwa...

Title 220x290

BUKEDDE W’OLWOKUTAANO YATUUSE DDA...

Militale etandise ebikwekweto bya Ssekukkulu era eyodde 200 abatigomya Kampala n’emiriraano.

Noise 220x290

Abatendeka baddereeva abamu ba...

BADDEREEVA okulemeramu okuvugisa ekibamo kivudde ku masomero mwe baayigira okuvuga agatalina bisaanyizo nga kye...

Plus 220x290

Bebe Cool awadde Bannayuganda essuubi...

OMUYIMBI Bebe Cool ayanjulidde Bannayuganda naddala abayimbi abakyanoonya okuvaayo ettu lye yabaleetedde okuva...

Fikfameika 220x290

Fik Fameica ali mu kkooti lwa kubba...

OMUYIMBI Fik Fameica bamututte mu kkooti ku bigambibwa nti yabba oluyimba.