TOP

Baloopye abasomesa aboosa

By Musasi wa Bukedde

Added 23rd September 2018

Abakulu b’amasomero beemulugunyizza ku basomesa abagayaavu ne bagamba nti be bavuddeko ebyenjigiriza okusereba mu disitulikiti.

Busoga 703x422

Omubaka Watongola ng’ayogera eri abakulu bamasomero.

Bya TOM GWEBAYANGA

Abakulu b’amasomero mu disitulikiti y’e Kamuli basisinkanye omubaka w’ekitundu kyabwe balabe engeri gye bayinza okutumbula ebyenjigiriza.

Abakulu b’amasomero beemulugunyizza ku basomesa abagayaavu ne bagamba nti be bavuddeko ebyenjigiriza okusereba mu disitulikiti. 

Ssentebe w’ekibiina ekibaggatta, Hussein Mitala yagambye nti waliwo abasomesa abalina omuze gw’okwosa, abatafaayo kutunula mu bitabo by’abayizi era tebagoberera nkola ya basomesa nga okweteekateeka obulungi nga tonnagenda mu kibiina.

Omubaka wa Munisipaali y’e Kamuli, Hajati Rehema Watongola mu lukiiko olwatudde ku  Kamuli Township Pulayimale ku Lwokutaano yalabudde abasomesa abo era n’asaba babaloope ku minisitule bwe baba bagaanye okukyusaamu.

Omukulu w’essomero lya Township, John Luweire yeebazizza Sipiika Rebecca Kadaga eyabayambye okununula ennyumba z’abasomesa ezibadde zaawambibwa abakungu mu byenjigiriza. Kati waliwo abasomesa abaafunye we basula.

Ku ky’okuwa abaana ekyemisana, omubaka yagambye nti buvunaanyizibwa bwa bazadde okukolagana n’abamasomero okulaba ng’abayizi tebasiiba njala.

More From The Author

Emboozi z’omuwandiisi endala

Emboozi endala

Lib2 220x290

Ab'omukago gwa IPOD bateekateeka...

Ab'omukago gwa IPOD bateekateeka kutwala ssabawolereza wa Gavumenti mu kkooti

Web 220x290

Nnaalongo akubye omwana wa muggya...

OMUKAZI atuze omwana wa muggya we n’amutta poliisi n’emutaasa ku batuuze nga baagala kumugajambula.

Kit2 220x290

Kitatta bamuggye e Makindye n'atwalibwa...

Kitatta bamuggye e Makindye n'atwalibwa e Luzira

Hip2 220x290

Olunaku lw'okuyonja akamwa lukuziddwa...

Olunaku lw'okuyonja akamwa lukuziddwa e Kayunga

Gat2 220x290

Abagambibwa okutigomya Matugga...

Abagambibwa okutigomya Matugga Poliisi ebakutte