TOP

Omuliro gw'okyezza enju y'omusawo

By John Bosco Mulyowa

Added 24th September 2018

NABBAMBULA w’omuliro asaanyizzaawo amaka g’omusawo ebintu bya bukadde ne bitokomoka okubadde n’emmotokka.

Mulironnyumba2 703x422

Abadduukirize nga bagezaako okuzikiriza omuliro ogwakutte enju.

Bya JOHNBOSCO MULYOWA

NABBAMBULA w’omuliro asaanyizzaawo amaka g’omusawo ebintu bya bukadde ne bitokomoka  okubadde n’emmotokka.

Bino bigudde mu kibuga Masaka, kyokka poliisi ezikiriza omuliro ne tabayamba olw’emmotokka zaayo ezizikiza omuliro okubeera nga zaafa era nga zaatuula ku kitebe kya poliisi e Masaka!

Omuliro guno ogwaataandise ku ssaawa kkumi neemu ez’okumakya ku Ssande  gwaasanyizaawo  amaka g’omusawo Joachim Mushabe ku kyaalo Sennyange A mu Munisipaali y’e Masaka, era ng’abadduukirize baalemereddwa okubaako kye bakola okutaasa olw’omuliro ogwaabadde gutuntumuka.

Kigambibwa nti omuliro gwataandikidde mu galagi omwabadde emmotokka era ng’ekintu kyabaluse omulundi gumu n’ekyazzeeko muliro kusasaanira nnyumba yonna mu bwangu obw’ekitalo.

Mmotokka ya disitulikiti y’e Masaka ey’amazzi yeeyasobodde okujja okutaasaako naye nga weyatuukidde nga mpaawo kiyinza kutaasibwa.

Omwogezi wa poliisi, e Masaka Lameck Kigozi yategeezezza nti kituufu balina okusoomoozebwa olwokuba nti tebakyalina mmotokka neemu ezikiza muliro erina okukola mu disitulikiti zonna omwenda ezikola Greater Masaka era nga bassaayo dda okusaba kwaabwe eri bakamabaabwe ku nsonga eno  kyokka nga babadde tebanaweebwa mmotokka ndala.

 

 

More From The Author

Emboozi z’omuwandiisi endala

Emboozi endala

Oketchinstructinghisstudentswebuse 220x290

Oketch obwavu abugobye na kukola...

Mu kukola fulasika z'embaawo mwe nfuna ssente

Wanikaamaguluwebuse11 220x290

Bw'oyamba omuntu azirise nga tonnamutuusa...

By'olina okukola okuyamba omuntu azirise nga tonnamutuusa wa musawo okumutaasa obuzibu obuyinza okumutuukako

Lan1 220x290

Mbogo ne Kibuli beddizza ez'amasomero...

Mbogo ne Kibuli beddizza ez'amasomero mu Badminton

Gr2 220x290

Abagambibwa okutta owa Mobile Money...

Abagambibwa okutta owa Mobile Money babazizza e Zzana

Hat1 220x290

Ebivuddeko ettemu okweyongera

Ebivuddeko ettemu okweyongera