TOP
  • Home
  • Amawulire
  • Abazadde balumbye essomero lw'abaana baabwe abaabula

Abazadde balumbye essomero lw'abaana baabwe abaabula

By John Bosco Mulyowa

Added 24th September 2018

POLIISI e Kyotera eggalidde dayirekita w’essomero lya Kyotera Infant Pri.Sch, ne Heedimasita w’essomero lino ng ababalumiriza obulagajjavu obw abaviirako abaana babiri okuva mu kisulo ky’essomero lino ne babula mu ngeri etaategerekeka kati ebbanga lya wiki nnamba!

Kyotera1 703x422

DPC Kayongo (mu yunifoomu) ng'akkakkanya abazadde.

Bya JOHNBOSCO MULYOWA

 POLIISI e Kyotera eggalidde dayirekita w’essomero lya Kyotera Infant Pri.Sch, ne Heedimasita w’essomero lino ng ababalumiriza obulagajjavu obw abaviirako abaana babiri okuva  mu kisulo ky’essomero lino ne babula  mu ngeri etaategerekeka kati ebbanga lya wiki nnamba!

Okukwaatibwa kwa bano kyaddiridde bazadde boomu ku mwana eyabula Newton Matovu 12, abadde asoma mu P.6 era abadde Head Boy ku ssomero lino okulumba essomero ne bakubagana ebikonde naabamu ku basomesa abasaangiddwaawo nga baagala babannyonnyole amayitire g’omwana waabwe.

Mu lutalo luno abasomesa babiri baaakubiddwa bubi nnyo!

Olutalo luno lwakkakanyiziddwa poliisi y’e Kyotera eyabadde edduumirwa DPC Musa Kayongo eyazze n’abaserikale ne basobola okutaasa abasomesa abaabadde bakubwa ng’eno abaana ku ssomero bwe bakuba enduulu n’okukaaba era poliisi ekutte abazadde bano  okubadde nnyina wa Matovu eyabula Debrah Namubiru ne batwaala ku kitebe kya poliisi e Kyotera.

Bazadde ba Matovu baabadde bakyaawuttula abasomesa ate omuzadde omulala Amos Kizito okuva e Buddo nga naye kitaawe womwana Micheal Kikonyogo 11 abadde asoma P.2 ku ssomero lino naye naatuuka oluvannyuma lw’okufuna amawulire nti naye omwana we, yabula okuva mu kisulo kyessomero lino!

Ku poliiisi DPC Kayongo yeevuumbye akafubo n’abazadde b’abaana bano okusala entotto ku ngeri poliisi gy’egenda okubayamba okuzuula abaana.

Abazadde balumirizza essomero obutaafaayo ku baana baabwe okubakuuma kwossa okunoonya nga babuze nga kyebaakola kyokka kutegeeza poliisi.

Omusango guli ku fayiro namba CRB 489/2018 ku poliisi e Kyotera.

 

 

 

More From The Author

Emboozi z’omuwandiisi endala

Emboozi endala

Laga 220x290

Aba NRM ababeera mu mawanga g'ebweru...

SSABAWANDIISI wa NRM Kasule Lumumba asabye Bannayuganda abali mu mawanga g’ebweru okukomya okusiiga ensi yabwe...

Pata 220x290

Babakutte balimira mu kibira ky’e...

OMULAMUZI akulira kkooti ento e Masaka, Deogratious Ssejjemba yeesitudde n’agenda e Kasanje mu ggombolola y’e Kyesiiga...

Mate 220x290

Babakutte balimira mu kibira ky’e...

POLIISI y’e Mpigi ngeri wamu n’abakulira ekitongole ky’eby’ebibira mu ggwanga ekya National Forest Authority (NFA)...

Gano 220x290

Omugagga asenze ebintu bya Klezia...

KLEZIA n’abatuuze abalina ebibanja ku kyalo Nkakwa mu ggombolola y’e Ssi - Bukunja mu disitulikiti y’e Buikwe,...

Wanga 220x290

Obwaddereeva buliko emyaka gy’otolina...

OLUVANNYUMA lw’Omulangira Phillip bba wa Kwiini wa Bungereza, Elizabeth okufuna akabenje ng’avuga mmotoka ku myaka...