TOP

Bakutteyo abalala 2 ku by'okutta Kirumira

By Musasi wa Bukedde

Added 27th September 2018

OMUWENDO gw’abaakakwatibwa ku by’okutta Afande Muhammad Kirumira gulinnye abanoonyereza bwe bategeezezza nti kati balina abantu musanvu mu kaduukulu k’amagye e Makindye.

Kirumiranew10 703x422

Omugenzi Kirumira Muhammad

Kiddiridde okukwatayo abalala babiri ku bigambibwa nti bamanyi ku ttemu lino.

Okunoonyereza kuno okulimu ebitongole okuli CMI, Poliisi ne ISO era kulaga ng’abantu musanvu be baakakwatibwa okusobola okuyambako mu kunoonyereza mu kuzuula abazigu b’emmundu abagambibwa okutta Kirumira bwe baamukuba amasasi ng’ali mu mmotoka ne mukwano gwe Resty Nalinya.

Ku Lwomukaaga ebitongole ebiri mu kunoonyereza ku musango guno byatuula ne bibaako ensonga ze byakkaanyaako omuli okuwaanyisiganya ebituukiddwaako mu kunoonyereza okwakakolebwaawo omuli okuwanyisiganya abakwatiddwa okusobola okwongera okubaako bye babuuzibwa eby’enjawulo.

Wabula mu kunoonyereza kuno poliisi ekyalemeddwa okubaako abantu beekwata nga kigambibwa nti yo eri mu kulondoola amawulire abantu ab’enjawulo ge bagitwalidde nga yeewala okukola ensobi ezizze zikolebwa mu misango egy’enjawulo mwe bakwatidde abantu ne balemwa okubaggulako emisango gy’okutta abantu.

Abantu abaakakwatibwa ku musango gw’okutta Kirumira bonna CMI yeebakwata era nga yasoose kubakuumira ku kitebe kyayo e Mbuya oluvannyuma ne baggyibwayo ne batwalibwa mu kkomera lya Miritale e Makindye ate yo ISO ng’obuvunaanyizibwa bwayo bwakukuhhaanya mawulire n’okugasensula.

Embeera y’okukwata abaserikale okuli Ismael Ssenono ne Deus Byaruhanga ng’ono abadde avuga mmotoka za Flying Squad eyongedde okweraliikiriza abaserikale abalala naddala abakolera mu Flying Squad nga batya nti bandiyungibwako eby’okutta Kirumira.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...