TOP

Lwaki mutusosola - Abayimbi abato

By Martin Ndijjo

Added 3rd October 2018

Abayimbi abato beemulugunyizza ku bayimbi abakulu okubasosola

Bayimbi 703x422

Noty Nash (wakati awanise omukono) ne bamemba b'ekibiina abalala

ABAYIMBI abato balangidde abakulu obutabayamba ne badda mu kubasaba ssente n’omukwano.

Bano beemulugunyizza ku baabasooka mu kisaawe ky’okuyimba n’abategisi b’ebivvulu obutaagala kubayamba nabo basobole okuvaayo.

Abayimbi bano abeegattira mu kibiina kya 'Uganda Music Risingstars Association' bagamba nti omutindo gwa myuziki mu ggwanga gugudde lwakuba waliwo abayimbi abeekomezza ensike y’okuyimba nga balowooza myuziki alina kukoma ku bbo ate abandibayambyeko nabo basobole okutumbuka baba baagala kubeesasuza mu bya kubaganza.

Bano nga bakulembeddwamu pulezidenti w’ekibiina kyabwe, omuyimbi Noty Nash batuuzizza olukiiko lwa bannamawulire ku National theater enkya ya leero ne battottola ebizibu n’okunyigirizibwa kwe bayitamu ekibawalirizza okutandikawo ekibiina ekyabwe okulwanirira eddembe lyabwe.

“Ffe tuyiiya ennyimba abanene ze bayimba ne zifuuka hiiti naye gye bigwera nga tebatusasudde, ku bivvulu abato ffe abasookawo okukwatirira ekintu ne tucamula n’okubeesabeesa abantu nga abanene oba nanyini kivvulu bwajja naye tetusiimibwa.

Bwetudda ku bibiina by’abayimbi abato ffe ababikwatiridde naye eno tubeera mu kunyigirizibwa omuyimbi omu nannyini kibiina yekka y’alina okubeera waggulu, Tukola ennyimba n’abayimbi abanene (kollabo) olukwatayo omuyimbi omunene ng’alufuula lulwe gwe omuto taddamu kukwogerako n’abamu bamanyi bamanyi okuddayo mu situddyo ne bajjamu amaloboozi gaffe ate abalala balina n’omuze gw’okubba ennyimba zaffe mu situddyo.

Bwetufuna ebizibu abayimbi abato tetuyambibwa kale kye kiseera naffe okwekolamu omulimu.

Wadde nga waliwo ebibiina eby’enjawulo omwegattira abayimbi, bano bagamba ne bwe babatuukiridde ku nsonga ezitali zimu tebayambiddwa, ababitandikawo n’abayimbi abanene be babifunamu.

Noty Nash era ategeezezza nga bwe bamaze okwewandiisa mu mateeka ekibiina kyabwe era bagenda mu maaso n’okuwandiisa ba memba mu ggwanga nga mu kiseera kino baweeze 700 

Ayongeddeko nti ng’ogyeko okulwanirira eddembe ly’abayimbi abato balina n’enteekateeka okubayamba okulaba nti myuziki wabwe azannyibwa ku mikutu gy’empuliziganya ez’enjawulo, okwongera okubabangula mu myuziki n'ebirala.

More From The Author

Emboozi z’omuwandiisi endala

Emboozi endala

Davidssekandingalagaengeriamatookegegyegayonooneddwaenkubawebuse 220x290

Ab'e Mukono beeraliikiridde enjala...

Abatuuze b'e Nassaka mu Mukono beeraliikiridde olw'enkuba eboonoonedde ebirime

Whatsappimage20191021at1439041 220x290

Zani Lady C awera kudda mu nsiike...

Zani Lady C omuyimbi ate nga muzannyi wa ffirimu akomyewo n'akayimba okuddamu okuvugannya mu nsiike y'okuyimba....

Kkobewebuse 220x290

Mwewale okufiira ku mirimu gy’okukozesebwa...

Abamalirizza emisomo bakubiriziddwa obuteesiba ku mirimu gya misaala emigereke bwe baba baagala okwewala ekkomera...

Joseph8webuse 220x290

Bwe mukoledde ebibuuzo mu kizimbe...

Fr. Joseph Ssebayigga asabidde abayizi ba St. Joseph Girls Primary School e Nsambya aba P7 ng'aggulawo ekizimbe...

Vipers 220x290

Vipers yeeweredde BUL

Mu nsisinkana etaano ezisembyeyo,Vipers ewanguddemu emipiira ena (4) so nga BUL gumu.