TOP

Abakozi ba kkooti balabuddwa ku siriimu

By Musasi wa Bukedde

Added 8th October 2018

OMUWANDIISI ow’enkalakkalira mu kkooti, Kagole Kivumbi akuutidde abakozi ba kkooti okwewala ebikolwa ebibaleetera akawuka akalwaza siriimu n’okumusaasaanya.

Masha 703x422

Abamu ku bakozi ba kkooti nga bamalirizza okwejjukanya. Abatudde ku ddyo mu ssuuti ye mulamuzi Samuel Munobe.

Obubaka yabutisse omuwandiisi wa kkooti, Fred Muhindo Ngenyi mu musomo gw’okwejjukanya ku bulabe bwa siriimu ogwabadde e Luweero ku Nimrod Hotel wansi w’omulamwa, “Okumalawo abafa akawuka mu 2030”.

Gwetabiddwaamu abakozi ba kkooti y’e Luweero Nakaseke, Wobulenzi ne Nakasongola.

Enid Wamani akulira Aids Commission yagambye nti nga bayita mu kuyigiriza abantu okwewala siriimu, okubakubiriza okwekebeza, okuyigiriza ba maama obutamusiiga baana bato n’okuyamba abalwadde mu byensimbi, bakola ekisoboka okumala akawuka kano amaanyi.

Yategeezezza nti Bannayuganda 1,300,000 be balina akawuka kano, ate 54 be bafa siriimu buli lukya.

Yawadde essuubi nti we gunaatuukira omwaka 2030 abantu bajja kuba tebakyafa bulwadde buno kuba kye kiruubirirwa ky’ebitongole byonna ebibulwanyisa.

Omukolo gwetabiddwaako abeerangirira bwe balina akawuka omwabadde Dr. Stephen Watiti n’omuyimbi Moses Nsubuga amanyiddwa nga Super Charger.

More From The Author

Emboozi z’omuwandiisi endala

Emboozi endala

Lab2 220x290

Wali muyigiriza ow'ekisa

Wali muyigiriza ow'ekisa

Lip2 220x290

Okufa kwa Namirimu kwatufumise...

Okufa kwa Namirimu kwatufumise nga ffumu

Tip2 220x290

Bannange nze siri mulogo ebyawongo...

Bannange nze siri mulogo ebyawongo bye bintawaanya

Kid2 220x290

Ono muzeeyi omwenge aguyodde nga...

Ono muzeeyi omwenge aguyodde nga bijanjaalo

Got2 220x290

Abasuubuzi mu katale k’e Kitintale...

Abasuubuzi mu katale k’e Kitintale bali ku bunkenke