TOP

Munnamateeka Mabiriizi ajulidde mu gwa Kabaka

By Meddie Musisi

Added 11th October 2018

MUNNAMATEEKA Hassan Male Mabiriizi ajulidde mu kkooti ensukkulumu (Supreme Court) mu musango gwa Kabaka, oluvannyuma lwa kkooti ejulirwamu okusazaamu ekyali kisaliddwaawo Kkooti Enkulu, Kabaka Ronald Muwenda Mutebi II okumuwa (Mabiriizi) ebiwandiiko bya bbanka ebikwata ku nnyingiza n’ensaasaanya ku ttaka lye.

Kufa 703x422

Mabiriizi (ku ddyo) ng’ayogera n’owa tukuktuku eyamuleese ku kkooti n’ebitabo bye .

Kino kiddiridde kkooti ejulirwamu wiiki ewedde okusazaamu eky’Omulamuzi Patricia Basaza owa kkooti enkulu bwe yalagira Kabaka awe Mabiriizi ebiwandiiko bya bbanka ebikwata ku nnyingiza n’ensaasaanya ya Kabaka ku ttaka lye.

Ku Lwokusatu ku makya, Mabiriizi lwe yatutte okujulira kwe okwa fayiro 44 ze yatwalidde ku kapikipiki ke baakazaako erya ttukutuku ku kkooti ensukkulumu n’akuwaayo.

Mu kwogerako n’abaamawulire, Mabiriizi yagambye nti teyamatira na nsalawo ya kkooti ejulirwamu okugaana ekyasalibwawo Omulamuzi Basaza, Kabaka amuwe ebiwandiiko bya bbanka byonna ebikwata ku basenze abali ku ttaka lye.

“Obuntu abalamuzi ba kkooti ejulirwamu bwe beesigamako okusazaamu ekiragiro ky’Omulamuzi Basaza temwali ggumba era saamatira nabyo kyenvudde ndeeta okujulira kwange mu kkooti eno ensukkulumu nfune obwenkanya mu musango gwange,” Mabiriizi bwe yategeezezza.

Yagambye nti yeewuunya abakungu ba Buganda abagenda bagamba abantu nti baamuwangudde n’agamba nti beerimba kubanga omusango omukulu gwe yawawaabira Kabaka n’ekitongole kya Buganda Land Board gye guli nnyo mu Kkooti Enkulu.

Mabiriizi yatwala Kabaka n’ekitongole kya Buganda Land Board mu kkooti ng’awakanya eky’okuwandiika abasenze abali ku ttaka ly’Obwakabaka.

Ensala y’abalamuzi eyasazizzaamu eby’omulamuzi Basaza yasomeddwa Omulamuzi Agnes Nkonge era balooya ba Kabaka abaakulembeddwa Christopher Bwanika Bbaale baategeeza nti Kabaka amezze Mabiriizi omulundi ogusoose.

More From The Author

Emboozi z’omuwandiisi endala

Emboozi endala

Laga 220x290

Aba NRM ababeera mu mawanga g'ebweru...

SSABAWANDIISI wa NRM Kasule Lumumba asabye Bannayuganda abali mu mawanga g’ebweru okukomya okusiiga ensi yabwe...

Pata 220x290

Babakutte balimira mu kibira ky’e...

OMULAMUZI akulira kkooti ento e Masaka, Deogratious Ssejjemba yeesitudde n’agenda e Kasanje mu ggombolola y’e Kyesiiga...

Mate 220x290

Babakutte balimira mu kibira ky’e...

POLIISI y’e Mpigi ngeri wamu n’abakulira ekitongole ky’eby’ebibira mu ggwanga ekya National Forest Authority (NFA)...

Gano 220x290

Omugagga asenze ebintu bya Klezia...

KLEZIA n’abatuuze abalina ebibanja ku kyalo Nkakwa mu ggombolola y’e Ssi - Bukunja mu disitulikiti y’e Buikwe,...

Wanga 220x290

Obwaddereeva buliko emyaka gy’otolina...

OLUVANNYUMA lw’Omulangira Phillip bba wa Kwiini wa Bungereza, Elizabeth okufuna akabenje ng’avuga mmotoka ku myaka...