TOP
  • Home
  • Amawulire
  • Twagala bwenkanya mu ngabana y'ebifo - Basiraamu

Twagala bwenkanya mu ngabana y'ebifo - Basiraamu

By Musasi wa Bukedde

Added 20th October 2018

OMWOGEZI wa Uganda Muslim Supreme Council Haji Nsereko Mutumba asabye Pulezidenti Museveni okulowooza ku Basiraamu bw'aba alonda abakozi ba gavumenti, kubanga nabo Bannayuganda abeetaaga obwenkanya mu ngabana y’ebifo.

Gabana 703x422

Hajji Nsereko Mutumba ng'annyonnyola.

BYABino Mutumba yabyogeredde mu lukiiko lwabannamawulire lweyatuuzizza ku kitebe kya Uganda Muslim Supreme Council e Kampalamukadde, ku lw’okutaano nga October/19th/2018.

“Abasiraamu naffe twetaaga okulowoozebwako nga ebifo by’abakozi ba gavumenti birondebwa kubanga naffe gavumenti tugiwa obululu ate era tukyaliwo ne mu kulonda okuddako. Kino tetuli mu kwegayirira wabula tujjukiza pulezidenti nti twetaaga bwenkanya nga bannauganda,” Mutumba bwe yagambye.

Yategeezezza nti obutali bwenkanya bweyolekera mu bitongole bya gavumenti eby’enjawulo okugeza mu kitongole ekiramuzi kye yagambye nti ku bantu 177 abakikolamu kuliko abasiraamu battaano bokka.

Kino yategeezezza nti ssi kya bwenkanya kubanga abasiraamu bangi abasomye ng’ekiseera kituuse nabo baweebwe omukisa okuweereza eggwanga lyabwe.

Yayongeddeko nti n’abakulira abakozi ba gavumenti mu disitulikiti ez’enjawulo ku 128 kuliko abasiraamu mukaaga bokka, nga kuno kwogatta n’abakulira emirimu mu munisipaali nga ku 46 kuliko abasiraamu battaano bokka. Ate mu KCCA ba dayirekita n’abamyuka baabwe tekuli musiraamu n’omu.

Mutumba yagambye nti mu minisitule y’empisa n’obuntubulamu ekulirwa Faaza Simon Lokodo ebifo byonna ebyamaanyi birimu bakrisitaayo.

Yagambye nti bwe baakola okwemulugunya ku nsonga eno, baasabibwa okuwaayo erinnya ly’omusiraamu alina obusobozi era ne baliwaayo naye okuva olwo tebaddamu kuwuliza bifaayo.

Mutumba yayongeddeko nti mu 2016, Pulezidenti yabasuubiza okuddaabiriza omuzikiti gwa Kampalamukadde n’asindika n’abakugu okuva mu magye abaagukebera ne balaba aweetagisa okuddaabiriza.

Wabula n’okutuusa leero tekikolebwanga, n’agamba nti omuzikiti guno nagwo kya bulambuzi kubanga bafuna Abazungu bangi buli lunaku abajja okugulambula, naye nga mu kiseera kino gwetaaga kuddaabirizibwa.

Wabula Mutumba yeebazizza Pulezidenti olw’okuyimirira ku magulu ge n’alwanirira Polofeesa Wasswa Balunywa ku bukulu bwa Makerere University Business School obwali bumugiddwaako beyayise ba mafiya.

More From The Author

Emboozi z’omuwandiisi endala

Emboozi endala

Kylianmbappe1 220x290

Mbappe yandiryawo Neymar ng’omuzannyi...

KYLIAN Mbappe yandiryawo Neymar ng’omuzannyi asinga ebbeeyi mu nsi yonna.

Kip2 220x290

Maama afudde n’abaana be

Maama afudde n’abaana be

Capture 220x290

Eby'abayizi 15 abaagaaniddwa okukola...

Eby'abayizi 15 abaagaaniddwa okukola ebya S.6 biranze

Capture 220x290

Gavumenti yeetaaga obuwumbi 130...

Gavumenti yeetaaga obuwumbi 130 okusasula aba LDU

Capture 220x290

Ekirombe ky'amayinja kibuutikidde...

Ekirombe ky'amayinja kibuutikidde bana