TOP
  • Home
  • Amawulire
  • Ababaka bakunyizza poliisi ku beesenza ku ttaka lyayo

Ababaka bakunyizza poliisi ku beesenza ku ttaka lyayo

By Muwanga Kakooza

Added 21st October 2018

ABABAKA banenyezza poliisi olw’okulemwa okukuuma ettaka lyayo erisangibwa mu bitundu by’eggwanga ebitali bimu ekireetedde abantu okulyesenzaako.

Policechiefbangiranaandroseakuloapperingbeforepacatparliament9925 703x422

Akulira bambega ba Polisi, Grace Akullo ne Bangirana omukungu wa poliisi nga bali mu kakiiko ka palamenti

Ababaka bagamba nti kyewuunyisa okulaba ng’abantu beeyambisa poliisi okugoba abeesenza ku ttaka lyabwe kyokka nga yo tesobola kukuuma lyayo.

Bino byabadde mu kakiiko ka palamenti akalondoola ensasaanya y’ensimbi za gavumenti akakubirizibwa omubaka Angelina Osege.

Akakiiko kali mu kwekenneenya lipooti y’omubalirizi w’ebitabo bya gavumenti  ey’omwaka 2015/16. Ekibinja kya poliisi kyakulembeddwa akulira bambega ba poliisi, Grace Akullo.

Lipooti y’omubairizi w’ebitabo bya gavumnti egamba nti ettaka lya poliisi e Tororo  lye limu ku lyesenzeddwaako abantu.

Omubaka Elliaa Asiku (Koboko) yagambye nti ettaka lya poliisi e Nateete nalyo lyesenzeddwaako abantu.

Akullo yagambye nti emisango egitaggwa egiri mu kkooti ku nsonga z’okwesenza ku ttaka kye kimu ku biremesezza okugoba abantu ku ttaka lya Poliisi. N’agamba nti olumu basanga abantu baazimbako dda n'ebizimbe!.

Ababaka baalaze obwennyamivu olwa poliisi okusasaanya ensimbi ennyingi kw'ezo ezigiweebwa ne bawa eky’okulabirako ky’amasannyalaze mu 2015/16 agaasaasaanyizibwako obuwumbi 17 ng’ate bajeti yali ya buwumbi munaana.

Rogers Muhirwa omumyuka w’omuwandiisi w’enkalakkalira mu Minisitule y’ensonga z’omunda yagambye nti obuzibu bw’ensimbi z’amasannyalaze ezibabanjibwa okuba ennyingi kiva ku gavumenti kubawa ssente ntono ez'okukozesa mu bajeti.

More From The Author

Emboozi z’omuwandiisi endala

Emboozi endala

Kabakafitri1 220x290

Kabaka ayagalizza Abasiraamu Idd...

KABAKA Ronald Muwenda II alagidde Bannayuganda okukuuma emirembe n’okusonyiwagana mu kiseera kino ng’Abasiraamu...

Mknded4 220x290

Famire eziyiridde mu nnyumba nga...

Abasiraamu mu kibuga ky’e Mukono baaguddemu encukwe ku Iddi munnaabwe eyabadde akedde ku maliiri okufumba emmere...

Mknmm3 220x290

Ddereeva okuva e Mutukula asangiddwa...

Ddereeva okuva e Mutukula asangiddwa Mukono ng’alina Corona virus-atwaliddwa mu kalantiini n’abalala babiri be...

Ssaavasennyonga 220x290

Paasita Ssennyonga awaddeyo emmere...

Paasita Ssennyonga awaddeyo emmere ya bukadde 300 okudduukirira abali ku muggalo

Lockdown309 220x290

Eyali awola ssente azzeeyo mu nnimiro...

ENSWA bw'ekyusa amaaso naawe ng'envubo okyusa ne Charles Tamale envubo agikyusirizza mu nkumbi okubaako ettofaali...