TOP

Eyeewera okweyambulira Museveni ayimbuddwa

By Musasi wa Bukedde

Added 4th November 2018

Eyeewera okweyambulira Museveni ayimbuddwa

Hap2 703x422

OMULAMUZI Stella Maria Amabilis, owa kkooti ya Buganda Road ayimbudde omuwala Suzan Namata avunaanibwa okukozesa obubi yintanenti n’okuvuma Pulezidenti. Namata 21, yayimbuddwa ku kakalu ka mitwalo 60 oluvannyuma lw’okuleeta abantu be babiri abamweyimirira kkooti b’ekkirizza olwo n’ayimbulwa.

Bano kwabaddeko maama we Jesca Namubiru ne Rose Nampala nga naye nnyina omuto. Okusaba kwe yakuyisizza mu munnamateeka Isaac Ssemakadde n’ategeeza omulamuzi nti mulwadde.

Okuva lwe yakwatibwa nga August 27 , abadde mu kadukulu ka poliisi nga tafuna bujjanjabi kyokka nga ne bwe yali akwatibwa yaggyibwa mu ddwaaliro. Omuwala ono yasimbiddwa mu kkooti n’avunaanibwa emisango ebiri okuli okukozesa obubi yintanenti ssaako okukozesa olulimi oluvvoola ekitiibwa kya Pulezidenti era gyonna n’agyegaana.

Oludda oluwaabi nga lukulembeddwa Mariam Njuki lulumiriza nti mu August omwaka guno omuwala ono ne mukwano gwe Sheilah Akampulira baafulumya akatambi nga bawera okulumba Museveni bamweyambulire ssinga tayimbula omubaka wa Kyaddondo East, Robert Kyagulanyi Ssentamu (Bobi Wine) eyali asibiddwa ebiseera ebyo

. Wadde ng’oludda oluwaabi lwagezezzaako okuwakanya okuyimbulwa kwa Namata kyokka omulamuzi yategeezezza nga bwe riri eddembe lye okweyimirirwa bw’atyo n’amulagira asasule emitwalo 60 adde awaka. Omusango guddamu nga November 20, 2018.

More From The Author

Emboozi z’omuwandiisi endala

Emboozi endala

Han1 220x290

Minisita w'ebyemizannyo omuggya...

Minisita w'ebyemizannyo omuggya Hanson Denis Obua asiimye omulimu ogukoleddwa Omugagga Ham ogw'okuzimba ekisaawe...

Bbomu3 220x290

Omuyeekera aweddeyo eby'okulwanyisa...

AGAMBIBWA okubeera omuyekera w’akabinja ka M23 eyayingira mu ggwanga nga yefudde abundabunda ne yewaayo mu mikono...

Poliisi yeezoobye n'aba Bodaboda...

POLIISI ekubye omukka ogubalagala mu bavuzi ba bodaboda mu Kampala okubagumbulula bwe babadde bagezaako okulaga...

Yasanze malaalo ng’atutte ebya...

EYASIBA sumbuusa nga tayogera na mwagalwa we baakamutemye atutte kimuli kya Valentine nti oli yafa dda!

Chrisevans 220x290

Chris Evans agaanyi okuddamu okuyimba...

NGA Chris Evans tannasimbula kugenda Masaka mu kivvulu kya Rema Namakula ekyabadde ku Maria Flo, maneja wa Rema,...