TOP

Museveni yeetondedde bannaddiini

By Musasi wa Bukedde

Added 5th November 2018

PULEZIDENTI Museveni yeetondedde bannaddiini ku ngeri embi abajaasi gye babakwatamu naddala mu bifo Pulezidenti gy’abeera akyadde.

Ntagali2 703x422

Ssaabalabirizi Ntagali ng’asembeza Pulezidenti Museveni.

Bya MARGRET ZALWANGO NE IVAN MPONYE
 
PULEZIDENTI Museveni yeetondedde bannaddiini ku ngeri embi abajaasi gye babakwatamu naddala mu bifo Pulezidenti gy’abeera akyadde.
 
Museveni okwogera bino yabadde mu kusaba ku Kkanisa ya All Saints e Nakasero n’agamba nti yeetegerezza nnyo engeri abeebyokwerinda nga mulimu n’abakuumi ba pulezidenti aba SFC gye bakwatamu bannaddiini mu ngeri gye yagambye nti
tebaweesa kitiibwa.
 
Yayongeddeko nti waakwongera okutuula n’abakuumi abakola ku mikolo gy’abeera alaze balabe nga bateereza embeera eno abakulu b’eddiini baweebwe ekitiibwa ekibasaana.
 
Mu kusaba okwakulembeddwaamu Rt. Rev. Dr, Sheldon Mwesigwa okuva mu bulabirizi
bwa Ankole, kwabaddeko n’okusonda ssente ez’okuzimba ekkanisa empya, Museveni
yawaddeyo obukadde 50 kwezo obukadde 500 ze yeeyamye okuyamba okuzimba.
 baana nga bayaayaana okukwata ulezidenti useveni mu ngalo Abaana nga bayaayaana okukwata Pulezidenti Museveni mu ngalo.

 

 
Ekkanisa eno esuubirwa okubeera ey’emyaliiro esatu yaakutuuza abakkiriza abasukka
mu 5,000 nga kyetaagisa ssente ezisoba mu buwumbi 40 okumaliriza omulimu guno.
Museveni yayongedde n’asaba bannadddiini okukubiriza abantu okukola babeere ne ssente bakomye okusabirizanga bwe kituuka ku mirimu gy’ekkanisa.
 
Ye Ssaabalabirizi w’ekkanisa ya Uganda, Stanley Ntagali yeebazizza Pulezidenti okubadduukiriranga buli lwe babeera beetaaga obuyambi era n’asuubiza nti December omwaka guno w’anaggweerako ng’okuzimba kuggyiddwaako engalo.
 
Okusaba kuno kwetabiddwaako Sipiika wa palamenti, Rebecca Kadaga, minisita Evelyn Anite, minisita David Bahati, minisita wa Kampala Beti Olive Kamya, eyali minisita Jim Muhwezi n’abalala.

More From The Author

Emboozi z’omuwandiisi endala

Emboozi endala

Davidssekandingalagaengeriamatookegegyegayonooneddwaenkubawebuse 220x290

Ab'e Mukono beeraliikiridde enjala...

Abatuuze b'e Nassaka mu Mukono beeraliikiridde olw'enkuba eboonoonedde ebirime

Whatsappimage20191021at1439041 220x290

Zani Lady C awera kudda mu nsiike...

Zani Lady C omuyimbi ate nga muzannyi wa ffirimu akomyewo n'akayimba okuddamu okuvugannya mu nsiike y'okuyimba....

Kkobewebuse 220x290

Mwewale okufiira ku mirimu gy’okukozesebwa...

Abamalirizza emisomo bakubiriziddwa obuteesiba ku mirimu gya misaala emigereke bwe baba baagala okwewala ekkomera...

Joseph8webuse 220x290

Bwe mukoledde ebibuuzo mu kizimbe...

Fr. Joseph Ssebayigga asabidde abayizi ba St. Joseph Girls Primary School e Nsambya aba P7 ng'aggulawo ekizimbe...

Vipers 220x290

Vipers yeeweredde BUL

Mu nsisinkana etaano ezisembyeyo,Vipers ewanguddemu emipiira ena (4) so nga BUL gumu.