TOP

Ekkanisa esiimye emirimu gya Kikulwe

By Musasi wa Bukedde

Added 11th November 2018

Ekkanisa esiimye emirimu gya Kikulwe

Seb2 703x422

ABASUMBA basiimye emirimu n’obuweereza bw’omugenzi Paul Kikulwe ne babuulirira abantu okukolerera e Ggulu nga bayita mu bikolwa eby’obutuukirivu basobole okuwandiikibwa mu kitabo ky’obulamu.

Bino bibadde Bweya okumpi ne Kajjansi mu kuziika Kikulwe nga gwetabiddwaako abaweereza ab’enjawulo okubadde Omulabirizi eyawummula Eliphaz Maari ayali omumyuka w’Omulabirizi mu Bulabirizi bw’e Kampala, Rev. Can. Nelson Kaweesa omuwandiisi w’Obulabirizi bw’e Namirembe, Faith Kityo Luwalira mukyala w’Omulabirizi w’e Namirembe,Ven. Membe Kijjambu omuwanika w’Obulabirizi, Rev. Can. Benon Kityo Dean wa Luttiko, abasumba n’abantu abalala.

Omusumba Justace Niwamanya Njagala eyabuulidde enjiri yakuutidde Abakristaayo okweyisa obulungi amannya gaabwe gawandikibwa mu kitabo eky’obulamu baleme okusuulibwa mu muliro ogutazikira.

Yagambye nti omugenzi Kikulwe enjiri abadde takoma kugibuulira mu bigambo wabula ne mu bikolwa n’abasaba okukola nga ye. Ate Can. Musiwuufu Magala eyali Dean wa Luttiko eyawummula ate nga mukoddomi w’omugenzi yamwogeddeko ng’abadde yeenyumiriza mu mulimu gwe ogw’okukuba pulaani era ng’omulimu gwe abadde agukola n’okwagala.

Yagambye nti abadde musajja wa mazima, mulokole ng’abuulira enjiri mu bigambo ne mu bikolwa era akyusizza abantu bangi nebadda eri Katonda. Yagambye nti omugenzi abadde ayagala nnyo Ekkanisa era obuweereza bwe tebusobola kwerabirwa mu Kkanisa ya St. John Kitikko okuliraana e Lubowa.

Gladys Kikulwe maama w’omugenzi yamwogeddeko ng’abadde ayagala famire ye era ng’afaayo gy’ali nga maama we, abadde amulabirira era ng’alabirira ne baganda be. Abaana b’omugenzi abaakulembeddwaamu Ruth Kikulwe baamwogedde ng’abadde taata omulungi abalabiridde okuva obuto okutuusa ng’abakuze.

Baagambye nti yabakuza bulungi mu mpisa ez’okutya Katonda, okuwa abantu ekitiibwa n’okukolagana. Yazaalibwa nga November 18, 1947 n’afa nga November 5, 2018 ku myaka 71. Alese abaana bana n’abazzukulu mukaaga. Abadde mubuulirizi wa njiri mu biffo eby’enjawulo era asikirizza abantu bangi okulokoka.

More From The Author

Emboozi z’omuwandiisi endala

Emboozi endala

Sisiri 220x290

Siisiri w’abakazi bamukubyemu ttooci...

ABAKUGU bazudde ng’abakazi okuyimba siisiri mu buliri kijja lwa butonde. Bagamba nti kiva ku bwagazi omukazi bw’afuna...

Ganja2 220x290

Ebintu 15 by’okola n’oganja ewa...

Edith Mukisa omukugu mu kubudaabuda abaagalana n’abafumbo akuwa ebintu 15 byoyinza okukola okusobola okuganja n'okunyweza...

Condoms 220x290

Kkondomu ezirimu ebituli zisattizza...

Bannayuganda abettanira kkondomu za Life Guard baweereddwa amagezi okwekenneenya kkondomu ze bagula nga tebannazikozesa....

Thumbnailunaiemerypoints 220x290

Martin Keown anyiizizza aba Arsenal...

Martin Keown, omu ku bazibizi abaayitimukira ennyo mu Arsenal era nga yali mu ttiimu eyawangula Premier nga tekubiddwaamu...

Gareth Bale ali ku yoleke

Gareth Bale ali mu kattu olw’abawagizi ba Real Madrid abaanyiize olw’okulaga nti ttiimu eno y’ekoobera mu bintu...