TOP
  • Home
  • Amawulire
  • Abalimi b’emmwaanyi babakuutidde okukuuma omutindo

Abalimi b’emmwaanyi babakuutidde okukuuma omutindo

By Benjamin Ssebaggala

Added 12th November 2018

KAWEEFUBE w’okutumbula okulima emmwaanyi mu ggwanga aba aBi bakwatagangye n’ekibiina ekigatta abalimi b’emmwaanyi ekya NUCAFE ne babagulira ebikozesebwa mu mirimu.

Nucafe 703x422

Nkandu (ku ddyo) ng’akwasa abalimi pikipiki okubayamba okutumbula omutindo.

Bya BENJAMIN SSEBAGGALA
 
KAWEEFUBE w’okutumbula okulima emmwaanyi mu ggwanga aba aBi bakwatagangye n’ekibiina ekigatta abalimi b’emmwaanyi ekya NUCAFE ne babagulira ebikozesebwa mu mirimu.
 
Baabawadde ebintu okuli emmotoka loole etambuza emmmwanyi nga tezikubwa nkuba ne kabangali, pikipiki, kompyuta za laptop basobole okukuumirako ebiwandiiko, minzaani ezipima emmwaanyi, ebyuma ebipima emmwaanyi okukakasa nti zikaze bulungi, emmeeza n’entebe ez’okuteeka mu ofiisi ze bakoleramu emirimu byonna bibalirwamu 4,905,745,000/-
 
Joseph Nkandu akulira NUCAFE bwe yabadde akwasa abakulira ebibiina by’abalimi b’emmwaanyi yagambye nti, baalonzeemu ebibiina ebisinze okukola obulungi bye byafunye obuyambi buno n’akuutira abalala okukola ennyo nabo basobole okufuna ku mulundi oguddako.
 
Yabakuutidde okukozesa ebibaweereddwa okutumbula omutindo gw’emmwaanyi kubanga bwe gugwa bonna basaanawo. Okubakwasa ebikozesebwa bino basoose kubatendeka mu mbeera ez’enjawulo okuli okukola n’okukuuma ssente okutumbula obulamu.
 kandu ku ddyo ngakwasa abalimi pikipiki okubayamba okutumbula omutindo Nkandu (ku ddyo) ng’akwasa abalimi pikipiki okubayamba okutumbula omutindo.

 

 
Abaatendekeddwa baabadde 429 okuva mu bibiina omwegattira abalimi b’emmwaanyi ebiwera 100 nga beebagenda okuddayo mu bitundu by’eggwanga ebirala ebiweza bammemba 25,000.
 
Omukolo gwabadde Nammanve ku kyuma ekisunsula emmwaanyi ekya NUCAFE. Wano era we baayanjulidde aba Technical Centre for Agricultural and Rural Cooperation (CTA) abaawaddeyo obukadde 800 ziyambeko okutendeka abalimi n’okutumbula okukozesa tekinologiya mu mulimu gwabwe.
 
Mu kaweefube w’okulaba nga batumbula omutindo baawereddwa obuuma obupima amazzi mu mmwaanyi kisobozese abalimi okumanya emmwaanyi zaabwe obukalu bwe zirina kuba abamu bakaluubirizibwa olw’okuzipima nga balumako ne kiba nga tezikala kutuuka ku mutindo gwe baagala ku kyuma ne mu kase ate ne kino kitta omutindo gwazo.

More From The Author

Emboozi z’omuwandiisi endala

Emboozi endala

Afuddebulengabyjmutebi103945 220x290

Abafumbo baziyidde mu nnyumba omukyala...

Abafumbo baziyidde mu nnyumba omukyala n'afa! Babadde basiika kabalagala

Untitled1 220x290

Omuwala namuta ng’ammenya n’olungereza...

Nze Emmanuel Nayebale nga mbeera Kitintale mu Kampala. Bwe nnali naakatandika okwegomba n’okuyingira mu nsonga...

Ssenga1 220x290

Ssenga nnina amaanyi matono

Nnina obusajja butono ate bumpi kyokka n’amaanyi matono ddaala. Ssenga nkoze ntya?

6688203923901413243725744760079814268813312n 220x290

KCCA FC lubabu!

OLWESOZZE semi z'empaka za CECAFA, omutendesi wa KCCA, Mike Mutebi, n'agumya abawagizi ng'ekikopo bwe kibali mu...

Sozo 220x290

Omusu gunoonya kyamagero

TTIIMU y'Omusu ekyazizza Embogo, ng'enoonya kukola kyafaayo ky’okukyusa obuwanguzi bwa ggoolo 6-1, ezaabakubwa...