TOP
  • Home
  • Amawulire
  • Abasuubuzi ku akeedi ezaggaddwa baagala abagagga babaliyirire

Abasuubuzi ku akeedi ezaggaddwa baagala abagagga babaliyirire

By Moses Kigongo

Added 13th November 2018

ABASUUBUZI bannannyini maduuka abagagga ge baggala ku Lwokuna lwa wiiki ewedde bawandiikidde bannannyini bizimbe nga babasaba babaliyirire obuwumbi bw’ensimbi 25 ze baafiirizibwa okumala olunaku lulamba lwe bataakola.

Horizon1 703x422

Ekizimbe kya Drake Lubega Muhangi kye yatuumye Horizon City.

Bya MOSES KIGONGO
 
ABASUUBUZI bannannyini maduuka abagagga ge baggala ku Lwokuna lwa wiiki ewedde bawandiikidde bannannyini bizimbe nga babasaba babaliyirire obuwumbi bw’ensimbi 25 ze baafiirizibwa okumala olunaku lulamba lwe bataakola.
 
Abasuubuzi abeegattira mu kibiina kya Kampala Arcade’s Advocacy Forum (KAAFO) baawandiikidde abagagga, Mansoor Matovu amanyiddwa nga Yanga ne munne Drake
Lubega nga baagala babasasule ensimbi zino obutasukka nnaku musanvu okuva kati.
 
Embeera eno okusinziira ku ssentebe w’ekibiina kino (KAAFO), Hussein Kato
agamba nti yafiiriza abasuubuzi baabwe abasoba mu 900 abakolera mu bizimbe
by’abagagga bano ebyenjawulo ensimbi ezikunukkiriza mu buwumbi 20 ekyabawalirizza okubawandiikira nga bayita mu balooya baabwe aba "Kalikumutima
and Co. Advocates baliyirirwe.
 
Abasuubuzi bagamba nti singa ennaku musanvu ziyitawo nga tebaliyiriddwa, baakugenda mu kkooti baloope abagagga bano. Abasuubuzi baagasseeko nti era
baagala abagagga babaddize ensimbi ze bazze babasoloozaako ezitali mu mateeka nga
za masannyalaze.

 

Ekibadde Nabukeera kati Muhangi akituumye Bazanya n’engo

 

Bannamateeka babasuubuzi nabo baataddeyo omuwendo gwa bukadde 50 zibasasulwe abagagga bano bombi olw’omulimu gwe bakoze okubawandiikira ebbaluwa ku lw’abasuubuzi.
 
Yanga bwe yatuukiriddwa ku nsonga eno, yazzeemu kimu nti takolangako ndagaano
yakuggulirawo basuubuzi bizimbe bye era bwe babeera bagirina bagimutwalire nga
tebannamuwawaabira.
 
Mu kiseera kye kimu, Muhangi yatadde ebipande ku bizimbe ebikaayanirwa ng’alaga nti abikyusizza amannya. Ekizimbe kya Qualicell ekya Drake Lubega yakituumye Horizon City ate ekya Nabukeera ekya Yanga n’akituuma Bazannya n’engo.
 
Abagagga bombi balabudde Muhangi nti by’akola bimenya mateeka era ebipande byonna bajja kubiggyako.

More From The Author

Emboozi z’omuwandiisi endala

Emboozi endala

Tta 220x290

Eyatta owa bodaboda akkirizza okutuga...

Poliisi: Okimanyi nti obadde onoonyezebwa? Omusibe: Nkimanyi, kubanga akatambi akaatuleetera obuzibu nange nakalabako...

Pastorbugingo2703422350250 220x290

Bugingo asekeredde abaamututte...

Bugingo yasinzidde mu kusaba kw’omu ttuntu n’ategeeza nti tewali agenda kumugaana kwogera. Era ye talina muntu...

Abasumba 220x290

Abasumba bye baatudde ne basalawo...

ABASUMBA abakulira abalokole mu Uganda batudde ne bateesa ku nsonga za Paasita Aloysius Bugingo. Olukiiko lwakubiriziddwa...

Dpp 220x290

Omuwaabi wa Gavt. awadde ebiragiro...

OMUWAABI wa Gavumenti omukulu Mike Chibita asiimye okunoonyereza okwakoleddwa ttiimu ya Vision Group omuli ne Bukedde...

Teddybugingoaloysius 220x290

Enkambi ya Teddy evuddeyo ku by'obugagga...

ENKAMBI ya mukyala wa Bugingo ow’empeta Teddy Naluswa Bugingo etangaazizza nti, Teddy takkaanyangako kugabana byabugagga...