TOP
  • Home
  • Amawulire
  • Aba Poliisi ababadde bavunaanibwa okutta Kirumira bateereddwa

Aba Poliisi ababadde bavunaanibwa okutta Kirumira bateereddwa

By Joseph Makumbi

Added 16th November 2018

Aba Poliisi ababadde bavunaanibwa okutta Kirumira bateereddwa

Pop1 703x422

OWA poliisi ya Old Kampala n’owa Flying Squad abaakwatibwa ku by’okufa kw’eyali omuduumizi wa poliisi y’e Buyende ASP Mohammad Kirumira amagye gabatadde.
 
Ismael Ssenono eyali omuduumizi w’ebikwekweto ku Old Kampala, yeyasooka okukwatibwa mu muyiggo gw’abatta Kirumira nga September 8, 2018. Ssenono baamukima mu ofiisi ya mukama we Charles Nsaba nga bamugambye nti baali baagala kukola naye kikwekweto.
 
Abaakwata Ssenono, baali bajaasi ba kitongole ky’amagye ekikessi ekya CMI abaali bakolera ku biragiro okuva ewa pulezidenti. Mukama we, tebaamutegeeza nti musajja yali akwatiddwa baamutwala nga abaali bagenda okukola ekikwekweto naye.
Okusinziira ku miikwano gye beyanyumirizzaako gyabadde, Ssenono bwebaamukwata babadde bamukunya ayogere lwaki yatta Kirumira.
 
Okusinziira ku nsonda, Pulezidenti okuwa ekiragiro okukwata Ssenono baali bamutegeezezza nti, abatta Kirumira baali bamayinja ba poliisi era Ssenono yeyali asinga okubeera ku jjinja erya wansi.
 
Ensonda zaagaseeko nti, Ssenono bwebaamubuuzizza nebakizuula nti talina kakwate konna ku bya kutemula Kirumira, baasazeewo okumutta kyokka nebamutegeeza nti, baabadde bakumuyita essaawa yonna abayambeko mu kunoonyereza kubanga alina obukugu bungi naddala mu bikwekweto.
 
Ssenono bwetwamunoonyezza okubaako kyannyonnyola yagambye nti, ensonga za bannamagye ye tasobola kubaako kyayogera.
 
Omulala eyayimbuddwa ye Deus Bamwesigye ‘Operative’ wa Flying Squad. Bamwesigye naye ba CMI be baamukwata nga kigambibwa nti alina ky’amanyi ku kutemulwa kwa Kirumira.
 
Okufaananako ne Ssenono, ne Bamwesigye baamuyimbudde oluvannyuma lw’okukizuula nti eyabawa amawulire yabawubisa.`
 
Ensonda mu magye zaategeezezza nti, abantu bangi bebakwata ku by’okutemula Kirumira wabula bebazuula nti tebalina kakwate, babayimbula nebadda ewabwe era waliwo n’abasiraamu b’e Kawempe bebasooka okuyimbula.

More From The Author

Emboozi z’omuwandiisi endala

Emboozi endala

Afuddebulengabyjmutebi103945 220x290

Abafumbo baziyidde mu nnyumba omukyala...

Abafumbo baziyidde mu nnyumba omukyala n'afa! Babadde basiika kabalagala

Untitled1 220x290

Omuwala namuta ng’ammenya n’olungereza...

Nze Emmanuel Nayebale nga mbeera Kitintale mu Kampala. Bwe nnali naakatandika okwegomba n’okuyingira mu nsonga...

Ssenga1 220x290

Ssenga nnina amaanyi matono

Nnina obusajja butono ate bumpi kyokka n’amaanyi matono ddaala. Ssenga nkoze ntya?

6688203923901413243725744760079814268813312n 220x290

KCCA FC lubabu!

OLWESOZZE semi z'empaka za CECAFA, omutendesi wa KCCA, Mike Mutebi, n'agumya abawagizi ng'ekikopo bwe kibali mu...

Sozo 220x290

Omusu gunoonya kyamagero

TTIIMU y'Omusu ekyazizza Embogo, ng'enoonya kukola kyafaayo ky’okukyusa obuwanguzi bwa ggoolo 6-1, ezaabakubwa...