TOP

Babayodde lwakusuula bubizzi ku Bbanka enkulu

Added 18th November 2018

Babayodde lwakusuula bubizzi ku Bbanka enkulu

 Poliisi ng’ewalabanya abavubuka abaakwatiddwa.

Poliisi ng’ewalabanya abavubuka abaakwatiddwa.

POLIISI ekuutte abavubuka abeegattira mu kibiina kya Jobless Brother Hood bwe baabadde bazze okweyanjula ku poliisi kyokka ne bajja nga bambadde obukookolo bw’emitwe gy’embizzi.

Robert Mayanja ne Augustine Ojubire be baakwatidwa poliisi ya CPS bwe badde bazze okweyanjula ku poliisi ku misango gyokusuula obubizzi ku Bbanka Enkulu. Abavubuka bano nga November 5, omwaka guno baasuula obubizzi ku Bbanka Enkulu nga bali ne bannaabwe abalala nga balumiriza abakulu mu Bbanka eno okwekkusa bokka mu ngeri abavubuka bano gye baayita okulya ng’embizzi.

Bagamba nti babadde baagala poliisi ereme kwonoona biseera ng’ebanoonya noolwekyo kwekwereeta ku poliisi baggulweko emisango gye bazza kyokka poliisi teyabaganyizza ne bazingiza ne bayoola.

Baakwatiddwa ne batwalibwa mu kadukulu ka CPS wakati mu kulwanagana nga bambadde obukookolo n’okweyiira birangi bye baayise omusaayi era baabadde beesibye emitwe gy’embizzi mu bulago. Jobless Brother Hood bagamba nti balwanirira kulaba nga balwanyisa obuli bw’enguzi n’okukozesa obubi ofiisi ebisukkiridde ennyo mu bbanka za Uganda okulaba nga waliwo ekikolebwa.

More From The Author

Emboozi z’omuwandiisi endala

Emboozi endala

Ba Kansala ku district e Ki...

Ba Kansala ku district e Kiboga bakubye ebituli mu budget ya District

Emitimbagano gya Vision Gro...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Ensonga za Brian White ez'o...

Ensonga za Brian White ez'okkabasanya abaali abakozi be zisajjuse

Engeri akasaawe k'e Mulago ...

Engeri akasaawe k'e Mulago gye kaalera Jimmy Kirunda

 Poliisi n’abatuuze nga bateeka omulambo gwa Mukiibi ku kabangali.

Afiiridde mu kibanda kya fi...

Afiiridde mu kibanda kya firimu e Mukono