TOP

Bamukutte n’akawanga

By Musasi wa Bukedde

Added 19th November 2018

OMUSAJJA eyasangiddwa n’akawanga k’omufu gamumyuse. Abatuuze baamulinye akagere ne bamukwata n’ekisawo mwe yabadde akapakidde n’ebisigala by’omufu ng’agenda nabyo ku bodaboda.

Skull 703x422

Lubaale n'akawanga.

Bya TOM GWEBAYANGA
 
OMUSAJJA eyasangiddwa n’akawanga k’omufu gamumyuse. Abatuuze baamulinye akagere ne bamukwata n’ekisawo mwe yabadde akapakidde n’ebisigala by’omufu ng’agenda nabyo ku bodaboda.
 
John Lubaale 38, ye yakwatiddwa n’ebisigala by’omugenzi Sulai Tigawalana eyali omusawo w’ekinnansi ng’ate yali mukwano gwe nfiirabulago eyafa emyaka 6 emabega. Baamukwattidde mu kabuga k’e Nawanyago ku luguudo lw’e Kamuli - Jinja.
 
Lubaale omutuuze w’omu kibuga ky’e Buwenge, amalaalo g’eyali musawo munne yagasimudde ku kyalo Nawansaso mu ggombolola y’e Kitayunjwa mu disitulikiti y’e Kamuli, ekyesudde kkiromita nga 40 okuva ewuwe e Buwenge.
 
Kigambibwa okukwatibwa n’ebisigala bino, yali yabisimula mu malaalo omwezi gumu emabega n’abaako awantu aweekusifu we yasooka okubikweka.
 
POLIISI EMUTAASA
Olwamukutte yeekangabirizza nti yabadde atuukiriza omufu bye yamugamba nti bw’afanga, amuggyanga e Nawansaso n’amutwaala e Buwenge gye baabeeranga bombi.
 
Wabula ate bwe yabuuziddwa lwaki yakikoze mu nkukutu ng’abeenganda n’ekika tebamanyi, talina kye yazzeemu n’agamba nti omugenzi yatta omwana ng’akozesa eddogo!
 
Bwe yabuuziddwa eby’okufa kw’omwana we bikwataganira n’okusimula ebisigala, talina kye yazzeemu ekyasaanudde abatuuze ne baagala okumugajambula kyokka poliisi n’emutaasa.
 
ABASAWO B’EKINNANSI BAMWEGAANYI
Ssentebe w’ekibiina ekigatta abasawo b’ekinnansi e Kamuli ekya Uganda n’Eddagala n’obuwangwa Bwaiffe, Majid Mutalya yeegaanyi Lubaale nti tebamumanyi nga mmemba.

More From The Author

Emboozi z’omuwandiisi endala

Emboozi endala

Afuddebulengabyjmutebi103945 220x290

Abafumbo baziyidde mu nnyumba omukyala...

Abafumbo baziyidde mu nnyumba omukyala n'afa! Babadde basiika kabalagala

Untitled1 220x290

Omuwala namuta ng’ammenya n’olungereza...

Nze Emmanuel Nayebale nga mbeera Kitintale mu Kampala. Bwe nnali naakatandika okwegomba n’okuyingira mu nsonga...

Ssenga1 220x290

Ssenga nnina amaanyi matono

Nnina obusajja butono ate bumpi kyokka n’amaanyi matono ddaala. Ssenga nkoze ntya?

6688203923901413243725744760079814268813312n 220x290

KCCA FC lubabu!

OLWESOZZE semi z'empaka za CECAFA, omutendesi wa KCCA, Mike Mutebi, n'agumya abawagizi ng'ekikopo bwe kibali mu...

Sozo 220x290

Omusu gunoonya kyamagero

TTIIMU y'Omusu ekyazizza Embogo, ng'enoonya kukola kyafaayo ky’okukyusa obuwanguzi bwa ggoolo 6-1, ezaabakubwa...