TOP

Ebyatabudde ab'e kibuli okugoba kamulegeya

By Musasi wa Bukedde

Added 22nd November 2018

Ebyatabudde ab'e kibuli okugoba kamulegeya

Deb2 703x422

Sheikh Kamulegeya (wakati) ng’ali ne Lubega Kaddunabbi (ku ddyo) mu kusaala.

OBUKULEMBEZE bw’e Kibuli okutuuka okugoba Sheikh Obed Kamulegeya ku kifo ky’abaddemu eky’okukulira Bamaseeka mu ggwanga, abadde amaze emyaka ebiri nga takwatagana nabo.

Akakuubagano kaatandika ku nkomerero ya 2015 era ekimu ku byabatabula zaali kampeyini z’Obwapulezidenti ezaali zitandise ekiseera ekyo. Embiranye yeeyongera era we baamugobedde nga yaakamala Iddi ssatu zonna nga tazisaalira Kibuli. Erigenda e Kibuli abadde yalitta ng’asinga kubeera mu muzikiti gwa Bukoto – Nateete era kibadde kyangu gyali okusisinkana Mufuti e Kampalamukadde Sheikh Shaban Ramadhan Mubajje okusinga okusisinkana Omulangira Kassim Nakibinge ow’e Kibuli.

Sheikh Nuhu Muzaata mu kulangirira okuwummuzibwa kwa Kamulegeya yagambye nti asikiziddwa Sheikh Mohammed Lunaanoba. Baalumirizza Kamulegeya nti alya mu lulime ne mu luzise; nga bw’ava e Kibuli ate akukuta n’ab’e Kampalamukadde.

Kamulegeya yasooka kufuna butakkaanya n’obukulembeze e Kibuli nga buva ku nteekateeka za gavumenti okuwa ab’e Kibuli ekyapa ky’omuzikiti gw’oku William Street ogwali gwatundwa wabula Pulezidenti Museveni n’akinunula okuva mu mikono gy’omusuubuzi Drake Lubega.

Kamulegeya yali ayagala omukolo gutegekerwe Kibuli kyokka ng’abamu ku bakulembeze bagamba nti ekyo kyali kijja kutaputibwa bubi kubanga akaseera kaali ka kampeyini. Ku nkomerero omukolo gw’okuwaayo ekyapa baagutegekera Kakiri era Pulezidenti Museveni n’akwasa Kamulegeya ne banne kkopi y’ekyapa kyokka abakulembeze ab’oku ntikko e Kibuli, omukolo tebaagwetabaako.

Ensonda e Kibuli zaategeezezza nti ekirala ekyabatabula gwe mukolo gwa Zakat ogwategekebwa ku Africana era Kamulegeya ng’omukulembeze w’ekibiina kya House of Zakat and Waqf yaguwomamu omutwe.

Ku mukolo guno Pulezidenti Museveni yawa ekibiina kino obukadde 400. Omuyima w’ekibiina kino Omulangira Nakibinge yali asuubirwa okubeerawo ku mukolo guno naye teyasobola. Kamulegeya kye yaddamu okuwulira, be bakulembeze e Kibuli okussaawo ekibiina kya Zakat ekyabwe era olukonko ne lweyongera.

Omu ku bakulembeze b’Obusiraamu eyasabye amannya galekebwe yategeezezza Bukedde nti: Sheikh Kamulegeya abadde awakanya ekya Jjajja w’Obusiraamu (Omulangira Nakibinge) okutwalibwa ng’Omukulembeze w’enzikiriza ng’agamba nti Obulangira bulina okwawulwa ku bumanyi mu by’eddiini era ng’alina endowooza nti abamanyi mu by’eddiini be balina okusoosowazibwa;

ekintu ekyanyiiza ennyo ab’e Kibuli. Ekyamala eggobe mu kibya, ye Kamulegeya okulwala n’atwalibwa e Nairobi n’ajjanjabwa kyokka bwe yakomawo ng’assuuse abakulembeze abakulu e Kibuli abasinga tebaagendayo kumukulisa bulwadde. Mufuti Mubajje yeesitula ne ttiimu ye ne bamukyalira e Kawempe okuva olwo n’atandika okusemberera ennyo aba Old Kampala. Kamulegeya bwe yatuukiriddwa yagambye nti tajja kwanukula ku byalangiriddwa Kibuli.

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi