TOP

Kayemba afaayo alabudde akakiiko k'Abayindi

By Musasi wa Bukedde

Added 27th November 2018

MMEEYA w’ekibuga ky’e Masaka, Godfrey Kayemba Afaayo akaayuukidde akakiiko akassibwawo okulondoola ebyobugagga ebyali eby’Abayindi nadddala ebizimbe akamanyiddwa nga Custodian Board n’abalabula nti bwe babeera nga bajja kubba nakulabya bannansi nnaku e Masaka tekadda.

Bayindi 703x422

Ekizimbe e Masaka ,Lwasa ky'agamba nti yakigula ku Custodian Board.

Bya PHIONA NANYOMO NE TONNY KALYANGO


MMEEYA w’ekibuga ky’e Masaka, Godfrey Kayemba Afaayo akaayuukidde
akakiiko akassibwawo okulondoola ebyobugagga ebyali eby’Abayindi
nadddala ebizimbe akamanyiddwa nga Custodian Board n’abalabula nti
bwe babeera nga bajja kubba nakulabya bannansi nnaku e Masaka tekadda.

Asinzidde mu lukiiko lw’ekibuga olw’enjawulo naagamba nti
Bannamasaka abawerako kati bali mu kusattira olw’ebikolwa by’akakiiko
kano akatandise okutunda ebintu byabwe mu ngeri emenya amateeka era nga
abawerako beeraliikirivu olwokuweebwa amabaluwa agabalaalika okwamuka amangu ebizimbe mwe bakolera kuba byatundibwa dda.


Ekizimbe ky’abakyala abeegattira mukibiina kya Nawou (National association of Women in Uganda) nga ku kino kwe kusangibwa etteerekero ly’ebitabo lyokka mu Masaka, ekifo ewakuumirwa abaana n’amaduuka amalala ky’ekimu ku bigambibwa okutundiddwa aba Custodian Board nga kino kyaguzibwa omugagga Emmanuel Lwasa.


Okusinziira ku mmeeya Kayemba Afaayo, akakiiko kano kassibwawo okulondoola ebizimbe ebyali eby’Abayindi kyokka nga mu kiseera kino nga contract yaako enaatera okuggwako kaalagirwa okuwandiika alipoota ekwata ku mirimu gye kabadde kakola okuviira ddala lwe kassibwawo.


“Mu buvunaanyizibwa buno tetukasuubira kubaako kintu kyonna kye katunda
kyokka twalabidde awo nga bannamateeka ba Nsubuga Owor and company
advocates bayisizza ekiwandiiko ekiragira abakolera mu kizimbe ky’abakyala okukyamuka nga bakolera ku biragiro bya Lwasa,” Kayemba Afaayo bwe yategeezezza olukiiko.

Wabula Lwasa agamba nti ekizimbe kikye era alina enteekateeka eyokukikulakulanya.

 

More From The Author

Emboozi z’omuwandiisi endala

Emboozi endala

Enseenene: Omugano gwa November...

AKEETALO akali mu Kampala n’emiraano kati ka nsenene. Enseenene kye kimu ku by’okulya ebisinga okuwoomera Bannayuganda...

Mbarakuzi 220x290

'Abeenyigira mu ttemu mwekube mu...

Yagambye nti abeenyigira mu kutta abalala bakimanye nti Katonda ajja kubasasula nga bwe yakola ku Kaine eyatta...

Nana 220x290

Xhaka yeenyiyiddwa Arsenal: Agenda...

GRANIT Xhaka, eyaggyiddwaako obwakapiteeni bwa Arsenal olw’okuwemula abawagizi ayolekedde AC Milan eya Yitale....

Kinnyaweb 220x290

Ekinnya ku ppaaka ya USAFI kitabudde...

Ekinnya kigambibwa nti kyavudde ku bigoma ebitambuza amazzi ebyassibwa mu kifo kino okubomoka. Okuva ekinnya kino...

Mbonyeweb 220x290

Poliisi ekunyizza omusumba Mbonye...

Mbonye yeeyanjudde ku kitebe kya bambega e Kibuli Ku Mmande nga yasooka kuyitibwa nga October 21, n’atagendayo...