TOP

Ab'omu Kisenyi tebalina mazzi mayonjo

By Musasi wa Bukedde

Added 27th November 2018

“Abatuuze ba Kawempe zooni mu muluka gwa Mengo Kisenyi III amazzi ga taapu gavumenti ge yali etuwadde baagatusalako kati abatuuze bakozesa mazzi ge basena ku nzizzi z’ensulo agajjudde obucaafu ate ne kaabuyonjo z’olukale ez’okusasulira abatuuze baazesamba b’eyamba mu buveera ne bamansa empitambi ekitadde obulamu bwaffe mu katyabaga”

Hawa2 703x422

RCC Namugenyi ng'ayogerako eri abatuuze

Bya GODFREY LUKANGA 

 

ABAKULEMBEZE okuva mu miruka ogwa Mengo Kisenyi I, II ne III, Nakasero I,II,III ne IV, Old Kampala n’ogwa Mengo basabye gavumenti okwongera ku taapu z’amazzi amayonjo ag’ebinusu aga ssente ensamusamu okutaasa abatuuze endwadde eziva ku mazzi amacaafu ge basena mu nzizi z’ensulo.

 

Mu lukiiko abakulembeze ba L.C.1 ne L.C.2 lwe babadde n’omubaka wa pulezidenti mu Kampala Central,  Hajati Hawa Namugenyi Ndege ku somero lya Nakivubo Blue P/S ku Mmande, baamuloopedde nga bwe balina obwetaavu bwa kaabuyonjo z’olukale abatuuze ze bagendamu nga tebazisasulira kubanga abasinga tebalina busobozi busasulira kaabuyonjo.

 

“Abatuuze ba Kawempe zooni mu muluka gwa Mengo Kisenyi III amazzi ga taapu gavumenti ge yali etuwadde baagatusalako kati abatuuze bakozesa mazzi ge basena ku nzizzi z’ensulo agajjudde obucaafu ate ne kaabuyonjo z’olukale ez’okusasulira abatuuze baazesamba b’eyamba mu buveera ne bamansa empitambi ekitadde obulamu bwaffe mu katyabaga” Adam Muganda, ssentebe wa Kawempe zooni bwe yategeezezza.

 

Ssentebe wa Kasaato zooni mu muluka gwa Mengo Kisenyi 2, Sunday Kiwana Nkoyoyo agambye nti okusomoozebwa kwe balina kwa midumu egitwala kazambi emitono egyabika buli enkuba lw’ettonya.

 empitambi n’eyanjaalira mu mayumba g’abatuuze egy’etaaga okukolebwako mu bwangu okutaasa obulamu bw’abatuuze.

 

Elizabeth Mutesi okuva mu muluka gwa Old Kampala yagambye nti waliwo obwetaavu bw’okuzimba kaabuyonjo ez’olukale mu paaka za takisi mu Kisenyi n’eri ku luguudo lwa Namirembe kubanga zikunganiramu abantu bangi kyokka nga tezirina kaabuyonjo.

 

Namugenyi yagumizza abatuuze nti ategedde okusomoozebwa okuli mu bitundu byabwe n’abasuubiza nga bwe bigenda okukolebwako mu bwangu okutangira endwadde eziva ku bucaafu nga baakusookera ku ky’amazzi amayonjo ne kaabuyonjo z’olukale.

 

Ku nsonga y’ebyokwerinda, Namugenyi yakubirizza abakulembeze okukubiriza abatuuze okuteeka ku mayumba gaabwe amattaala g’ebweru gasule nga gaaka mu kaweefube w’okunyweza eby’okwerinda mu kiseera kino nga tuyingira eggandaalo lya Ssekukkulu obumenyi bw’amateeka we bwe yongerera.

 

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...