TOP

Abatembeyi balabuddwa ku ky'okukweka ababbi

By Musasi wa Bukedde

Added 30th November 2018

Abatembeyi balabuddwa ku ky'okukweka ababbi

Lip2 703x422

POLIISI mu Kampala erabudde abatembeeyi abakolera ku mwala gw’e Nakivubo okukomya okusirikira n’okubudamya abamenyi b’amateeka abatigomya abantu.

Omuduumizi wa poliisi ya CPS, Ronald Wotwali bwe yabadde asisinkanye abatembeeyi abakolera ku mwala guno yagambye nti poliisi yakizudde nti abamenyi b’amateeka ababba abantu babeerimbikamu wabula ne balemwa okuvaayo okubeegobako. “Ababba abantu babeera wano we mukolera nga beerimbise mu butembeeyi kyokka temufuddeeyo kutegeeza poliisi ebakwate era ebikwekweto bye bijja okubamalawo,” Wotwali bwe yategeezezza.

Yagambye nti okunoonyereza poliisi kw’ekoze yakizudde nti ababbi beefuula abatembeeyi n’ekigenderwa eky’okulondoola ab’okubba ate abamu ku batembeeyi ne bayamba mu kutereka ebibbe nga kino kirina okukomezebwa.

Yategeezezza nti poliisi kigizibuwalira okwawula omubbi ku mutembeeyi naddala ng’ekoze ebikwekweto nabalabula nti okwewala kino beegobeko ababeerimbikamu.

Omukwanaganya wa poliisi n’omuntu waabulijjo ku CPS, Emmanuel Ssempijja yagambye nti omwala gw’e Nakivubo kye kimu ku bifo poliisi by’erina ku lukalala lwayo eby’obulabe kuba ababbi n’abamenyi b’amateeka gye beekukuma.

Yagambye nti ekizibu ekiriwo kwe kubeera nti waliwo abavaayo ne bawolereza abakwatiddwa nga mu bano mwe muli n’ababbi nga kati tebagenda kumala gayimbula bakwatiddwa okusobola okutereeza embeera.

More From The Author

Emboozi z’omuwandiisi endala

Emboozi endala

Npc03webuse 220x290

Abavubuka bayambibwe mu byobulamu...

Abavubuka basaana bayambibwe mu byobulamu basobole okwekuuma, okwejjanjabisa n'okumanyisibwa ebikwata ku byobulamu...

Coffeetree1webuse 220x290

Alina omusaayi omutono muwe amazzi...

Atalina musaayi kozesa bikoola bya mmwaanyi ofune ogukumala

Camavingajpg111 220x290

Ttiimu za Premier 3 ziswamye musaayimuto...

Camavinga, wa myaka 16 era ttiimu za Premier zigamba nti akacanga nga Paul Pogba.

Ssuubikazimba 220x290

Abakrisitaayo balabuddwa okulwa...

ABAKRISTAAYO balabuddwa okukomya okumala obudde bwonna mu masinzizo nga balindirira Katonda okubakolera ebyewuunyo...

Mbvsmpindi1web002web 220x290

Abembogo beewaanye bwe bagenda...

ABAWAGIZI n'abakungu be Mbogo beewanye nti "omunene asigala munene" oluvanyuma lwokukuba Empindi ggoolo 3-0 mu...