TOP

Eddiini gye watusigamu etuyambye okuba obumu

By Musasi wa Bukedde

Added 9th December 2018

Eddiini gye watusigamu etuyambye okuba obumu

Rp1 703x422

Omumbejja Mabejo.

KU myaka 97 jjajja, Omumbejja Eseza Mabejo watuva ku maaso n’otuleka mu kiyongobero. Wali mpagi luwaga mu bulamu bwaffe. Obuvunaanyizibwa tewabukomyanga ku baana bo okuli Paul Karungi ne Ruth Najjemba wabula naffe abazzukulu nga tukutwala nga maama ate taata mu bulamu bwaffe.

Nkujjukirako okukulembeza omuntu okubeera n'empisa era nga bazadde baffe obeera okibajjukiza okutukuliza mu mpisa nga balina okufaayo ku nnyambala yaffe, ku njogera ne nneeyisa yaffe awaka, ku kyalo ne ku ssomero. Kino kituyambye okubeera abantu abeegombebwa abalala.

Watukuliza mu ddiini era nga tukulabirako bingi naddala mu buweereza bwo mu kkanisa ya St.Stephen‘s Lwadda. Watukuutira okunywerera ku ddiini zaffe era tuli bamalirivu obutawankawanka. Nzijukira buli kiseera okutukuutira obutanoonya byamagero mu makanisa agatali ku musingi gwa ddiini.

Watugambanga nti, ebyamagero Katonda y’abigaba. Jjajja kino kituyambye okuyimusa enzikiriza yaffe nga famire. Watukuutiranga okukulembeza eddiini mu buli kye tukola omuli obutasiba busungu ku mutima n'okwagalananga era kino kituyamba okubeera obumu.

Watuyigiriza okukola era mmanyi omusingi ogwo mugumu mu ffe. Tukusubwa ng’abazzukulu bo Jjajja twali tukutwala nga muzira waffe mu famire. Omwoyo gwo Mukama agulamuze kisa jjajja Muzzukulu wo , William Kirumira ku lwa famire

More From The Author

Emboozi z’omuwandiisi endala

Emboozi endala

Oketchinstructinghisstudentswebuse 220x290

Oketch obwavu abugobye na kukola...

Mu kukola fulasika z'embaawo mwe nfuna ssente

Wanikaamaguluwebuse11 220x290

Bw'oyamba omuntu azirise nga tonnamutuusa...

By'olina okukola okuyamba omuntu azirise nga tonnamutuusa wa musawo okumutaasa obuzibu obuyinza okumutuukako

Lan1 220x290

Mbogo ne Kibuli beddizza ez'amasomero...

Mbogo ne Kibuli beddizza ez'amasomero mu Badminton

Gr2 220x290

Abagambibwa okutta owa Mobile Money...

Abagambibwa okutta owa Mobile Money babazizza e Zzana

Hat1 220x290

Ebivuddeko ettemu okweyongera

Ebivuddeko ettemu okweyongera