TOP

Ebigambo bya Nnamwandu ebikaabizza abaziisi

By Musasi wa Bukedde

Added 10th December 2018

Nnamwandu wa Muhangi, Patience Mbabazi yakaabizza abakungubazi bwe yalombozze embeera enzibu gy’abadde ayitamu okuva bba lwe yawangula emisango mu kkooti n’aweebwa ebizimbe by’akaanira n’abaggagga Yanga ne Lubega.

Nyo 703x422

Nnamwandu ng’ayogera ku bba.

“Omwami wange abadde oluusi tasula waka olw’okutya nti obulamu bwe buli mu bulabe.

Oluusi abadde ankubira essimu nga bukedde n’ambuzaako n’okunkuutira okukuuma abaana”, bwe yategeezezza.

Amaka gaabwe, Nnamwandu yagambye nti gabadde gajjula dda okutya n’obweraliikirivu olw’embiranye ebaddewo n’abagagga.

Muhangi yategeeza mukazi we nti, emmaali ye yagikolerera mu ntuuyo ze era mwetegefu okufa, naye nga tanyagiddwako mmaali ye.

GAVUMENTI EWADDE AMABUGO GA BUKADDE 10

Katikkiro wa Uganda Dr. Ruhakana Rugunda ye yakiikiridde Gavumenti mu kuziika n’agamba nti, abadde muwagizi ow’amaanyi owa NRM.

Abadde mpagi luwaga mu byentambula (alina bbaasi za Horizon) mu ggwanga n’ebyemizannyo naddala mmotoka z’empaka.

Yatuusizza obubaka bwa Pulezidenti Museveni abadde amanyiganye ne Muhangi.

Yawaddeyo amabugo obukadde 10 ne yeeyama okuwagira famire okutambuza emirimu ne bizinensi za Muhangi.

More From The Author

Emboozi z’omuwandiisi endala

Emboozi endala

She1 220x290

Abaafunye akabenje mu Ambulance...

Abaafunye akabenje mu Ambulance baziikiddwa

Rak1 220x290

Ssentebe w'ekyalo Laddu emukubye...

Ssentebe w'ekyalo Laddu emukubye n'afiirawo e Rakai

Gat2 220x290

Asangiddwa ng'agenda okukwata abaana...

Asangiddwa ng'agenda okukwata abaana akkiriza omusango n'asaba ekisonyiwo

Mut1 220x290

Ssaabasajja aggaddewo ekisaakaate...

Ssaabasajja aggaddewo ekisaakaate kya Maama Nnabagereka

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...