TOP

Mukuume abaana mu luwummula - Ssekandi

By Deo Ganyana

Added 16th December 2018

OMUMYUKA wa Pulezidenti Edward Kiwanuka Ssekandi akubirizza abazadde okufaayo ennyo okukuuma abaana baabwe naddala abawala okulaba nga tebafuna buzibu bwonna mu kiseera kino eky’oluwummula oluwanvu.

Wa 703x422

Ssekandi (ku kkono), Mulyannyama (owookubiri ku ddyo) ne Robert Ssentongo nnannyini Auto Spa.

Yagambye nti ennaku zino abantu ab’emitima emibi beeyongedde obungi noolwekyo abazadde tebalina kusuulirira buvunaanyizibwa bwabwe.

Bino Ssekandi yabyogeredde mu kifo ekisanyukirwamu ekya Fusion Auto Spa ekisangibwa e Munyonyo mu munisipaali y’e Makindye gye yabadde ng’omugenyi omukulu ng’essomero lya Star Rise Primary School lijaguza emyaka kkumi.

Ssekandi yategeezezza ng’abazadde abasinga bwe beggyako obuvunaanyizibwa obw’okukuuma n’okulabirira abaana ne basalawo okubasindika mu byalo gye bayigira emize ne bakomawo nga ne bazadde baabwe tebakyasobola kubakakkanya nga bafuuse bakiwagi.

Omu ku batandisi b’essomero lino, Robert Ssemwogerere yeebazizza abazadde ababakkiririzaamu ne babawa abaana baabwe.

Ye meeya w’e Makindye Hajji Ali Nganda Mulyannyama yeebazizza abatandisi b’essomero lino kubanga bayambye ku gavumenti mu kusomesa abaana b’eggwanga.

Mulyannyama yagambye nti gavumenti erina amasomero matono ate ng’abaana abayingira mu masomero beeyongera buli kiseera n’agamba nti amasomero g’obwannannyini gakoze kinene okugatta ettoffaali ku kusitula omutindo gw’ebyenjigiriza mu ggwanga.

Yasuubizza okubawagira mu nteekateeka zaabwe.

Omukolo gwetabiddwaako n’abantu abalala bangi omwabadde ne Brian Kirumira amanyiddwa ennyo nga Bryan White eyaweereddwa ekirabo ky’okumusiima okubeera n’omutima amuyambi ogulumirirwa eggwanga n’okuyamba abatalina mwasirizi.

More From The Author

Emboozi z’omuwandiisi endala

Emboozi endala

Fot2 220x290

Emizannyo gy'abamusaayi muto gyengedde...

Emizannyo gy'abamusaayi muto gyengedde

Kib2 220x290

Sipiika Kadaga azzeemu okukola...

Sipiika Kadaga azzeemu okukola emirimu gye

Sab2 220x290

Kabaka Mutebi ayozaayozezza obwa...

Kabaka Mutebi ayozaayozezza obwa Kabaka bwa Ghana okutuuka ku myaka 20

Got1 220x290

Omusawo bamusse agenze kuziika...

Omusawo bamusse agenze kuziika e Masaka

Gab2 220x290

Ebya dokita gwe basse bikyalanda...

Ebya dokita gwe basse bikyalanda