TOP

Baze gwe mmaze naye emyaka 12 anjabulidde

By Musasi wa Bukedde

Added 27th December 2018

NZE Sarah Masaba 32, mbeera Kibiri e Busaabala. Ndi mukyala mufumbo nga tulina abaana bana mu kaseera kano.

Bashir 703x422

Wabula mu April wa 2018, baze yanjabulira n’abaana bange nga sitegedde nsonga yamutwala ku bbanga lye twali tumaze naye ery’emyaka 12.

Okuva baze lwe yatuleka, embeera yafuukira ddala nzibu olw’ensonga nti yatuleka mu kazigo nga tukyapangisa ekikaluubirizza obulamu bwange n’okulabirira abaana be yandekera nga balina n’okusoma.

Ensimbi z’okuweerera abaana ku ssomero nga bwe kiri kati nazo zifuuse kizibu olw’ensonga nti sirina mulimu gwe nkola gwa nkalakkalira okusobola okubayambako mu kusasula ebisale byabwe.

Ennyumba mwe nsula nnannyini yo yangobyemu era nsobeddwa awokudda kuba sikola ate nga ne bazadde bange banfaako.

Nsaba kumpa ku magezi. Kantwale omukisa guno okulabula abaana abawala bonna obutamalira maanyi gaabwe n’ebirowoozo byabwe ku basajja kubanga tebalwa kwefuula ne bwe muba mumaze naye emyaka.

Mbasaba bafune kye bayinza okwekolerawo obutanyigirizibwa nga basuuliddwaawo omusajja.

Nsaba n’abasajja mwenna gye muli obutasuulirira buvunaanyizibwa bwabwe naddala okulabirira abaana.

More From The Author

Emboozi z’omuwandiisi endala

Emboozi endala

Lab12 220x290

Okulonda kwa Ssentebe wa NRM e...

Okulonda kwa Ssentebe wa NRM e Mityna kuzzeemu kigoye wezinge

Gwe1 220x290

Taata bamuwadde emitwalo 30 n'awaayo...

Taata bamuwadde emitwalo 30 n'awaayo omwana we ew'omusamize bamusadaake

Nkumba2jpgweb 220x290

Abadde ayingira mu ofiisi z'ebizimba...

Allan Nkumba omutuuze w'e Kabowa mu Sserwadda zooni ye yakwatiddwa poliisi ya CPS ku Lwokusatu oluvannyuma lw’okugenda...

Sjpgweb 220x290

Eyanfunira omulimu mufiirako

Nze Innocent Katusiime 29, mbeera Nakawa. Buli lwe ndowooza ku ngeri gye nnasisinkanamu maama w’omwana wange essuubi...

Nsamba22pulaaniusewebuse 220x290

Mukuume obumu musobole okwekulaakulanya...

Ab'ekika ky'Engabi beetaaga obukadde 13o okuzimba ekiggwa kyabwe