TOP
  • Home
  • Amawulire
  • Mayiga awadde abavubuka ensonga ttaano ez’okubakulaakulanya

Mayiga awadde abavubuka ensonga ttaano ez’okubakulaakulanya

By Dickson Kulumba

Added 29th December 2018

KATIKKIRO wa Buganda Charles Peter Mayiga asibiridde abavubuka ba Buganda entanda ng’eri mu nsonga ttaano ezigenda okubayamba okwekulaakulanya.

Wano 703x422

Katikkiro Mayiga ( ku kkono) ng’atongoza ettendekero ly’obukulembeze mu Buganda (Leadership academy). Ku ddyo ye Minisita omubeezi ow’ebyenjigiriza Dr. Prosperous Nankindu Kavuma, Hajji Ahmed Lwasa omumyuka wa Sipiika ne Dr. Twaha Kaawaase, omumyuka wa Katikkiro owookubiri era minisita w’ebyenjigiriza mu Buganda.

Mulimu; okwekuumira ku Kabaka, obukulembeze obulungi, okufissa ssente ze bakola, okuzitereka n’okusiga ensimbi mu bintu ebyenjawulo.

Yabyogeredde ku mukolo kwe yatongolezza ettendekero ly’abakulembeze mu Buganda n’alaga essanyu olw’abavubuka okwongera okwettanira emiramwa gy’obukulembeze nga bagikubaganyako ebirowoozo.

Baabadde ku Buganda Royal Institute e Kakeeka - Lubaga mu Kyaddondo. “ Eyo gye tukuhhaanira (kabineti) tutera okukubaganya ebiroowozo nga bwe baabagambye ku nsonga ezinazza Buganda ku ntikko.

Obukulembeze kintu kigaza kubanga mulimu okubeera ow’obuvunaanyizibwa, omwesimbu, omutetenkanya, omunyiikivu, olina okubeera omwangu, omuyiiya, olina okubeera omuntumulamu,” Katikkiro Mayiga bwe yagambye.

Mayiga yayongedde n’ategeeza nti ebbanguliro lino erigenda okubeera ku Buganda Royal lyakuyamba okubumbira Buganda abakulembeze era yasabye abavubuka okukomya omuzze gw’okwerumaaluma kubanga bayinza okubeera n’ekirubirirwa kye kimu kyokka ng’ekkubo ery’okukituukako lye lyawuka.

Omumyuka wa Sipiika wa Buganda, Hajj Ahmed Lwasa nga ye ssentebe w’enteekateeka eno eya Leadership Academy, yasabye okukwatira awamu.

More From The Author

Emboozi z’omuwandiisi endala

Emboozi endala

Oketchinstructinghisstudentswebuse 220x290

Oketch obwavu abugobye na kukola...

Mu kukola fulasika z'embaawo mwe nfuna ssente

Wanikaamaguluwebuse11 220x290

Bw'oyamba omuntu azirise nga tonnamutuusa...

By'olina okukola okuyamba omuntu azirise nga tonnamutuusa wa musawo okumutaasa obuzibu obuyinza okumutuukako

Lan1 220x290

Mbogo ne Kibuli beddizza ez'amasomero...

Mbogo ne Kibuli beddizza ez'amasomero mu Badminton

Gr2 220x290

Abagambibwa okutta owa Mobile Money...

Abagambibwa okutta owa Mobile Money babazizza e Zzana

Hat1 220x290

Ebivuddeko ettemu okweyongera

Ebivuddeko ettemu okweyongera