TOP

Bannayuganda abafumbo battiddwa mu bukambwe e South Africa.

By Martin Ndijjo

Added 7th January 2019

Bannayuganda abafumbo battiddwa mukwano gwabwe abadde ababanja ssente mu bukambwe e South Africa.

Uga2 703x422

Ritah Nalwanga ne Joshua Mutaasa

Joshua Mutaasa ne mukyala we Ritah Nalwanga abasuubuzi nga batuuze b’e Rustenburg mu South Africa be battiddwa.

Okusinzira ku Jonathan Mateege omutuuze w'e Kitintale mu Kampala mwanyina wa Nalwanga ategezezza nti bano agamba bano batemuddwa mukwano gwabwe Suliman Kamya abadde abanja Mutaasa ssente emitwalo ena (40,000) eza Rand (mu za Uganda obukadde 12) ze yamuteresa nga bwapanga bizinensi ey’okukola.

 

Kamya okwekyawa natemula banne kigambibwa kivudde ku kubanja Mutaasa ssente ze yamuteresa nga bwanoonya bizinensi ey'okukola naye nga Mutaasa tazimuwa.

Ku Lwokuna yagenze mu maka ga Mutaasa okumusaba ssente ze kyokka Mutaasa  n'atamufaako. Ekyaddiridde, kigambibwa yageze Nalwanga ali mu ffumbiro, n'amulumba n'amukuba akatayimbwa akamuttiddewo. Oluvannyuma nti yayise Mutaasa ajje alabe ekituuse ku mukyala we kyokka nga tamugambye nti yamusse.

Mutaasa mu kukka wansi Nalwanga we yabadde agudde, naye omuvubuka ono we yamukubidde akatayimba n'afa oluvannyuma emirambo yagikumyeko omuliro.

Mateege agamba yasembye okwogera ne Nalwanga ku Lwokusatu okuddamu okumuwuuliriza ku Lwokutano nga bamugamba nti bamusse.

Okusinzira ku mawulire, omwogezi wa poliisi Col. Moatshe Ngoepe yakakasizza okuttibwa kw’abafumbo bano era n'ategeeza nti  n’omuvubuka agambibwa okubatemula yakwatiddwa ku Lwokutaano ng’okunoonyereza bwe kugenda mu maaso,.

Omukungu omu ku kitebe kya Uganda e South Africa ataayagadde ku mwatuukiriza mannya ng’ayogerako n’olupapula lwa New Vision ku ssimu yakakasizza ettemu lino era agamba bali mu kukola ku mpapula ezineeyambisa mu kutambuuza emirambo okuzzibwa ku butaka.

Omu ku mikwano gy’abagezi,  Jafar Ocom ng’ayita ku mukutu gwe ogwa Face book,  yategeezezza nti, “ Mutaasa nasoma naye (OB) ate mukyala we Ritah yaali mulirwaana wange e Kitintale mu Kampala,”

Yagasseeko nti bali mu nteekateeka za kukuma lumbe mu maka ga kitaawe wa Mutaasa e Kansanga mu Kampala ate okusinzira ku Mateege, Nalwanga wakuzikibwa Jinja gye bazalibwa.

 

More From The Author

Emboozi z’omuwandiisi endala

Emboozi endala

Team 220x290

Minisita alonze akakiiko akanaasalawo...

MINISITA w’ebyenjigiriza Janet Museveni alonze akakiiko ka bantu 17 okwekenneenya lipooti eyakolebwa akakiiko k’omugenzi...

Gomez 220x290

Selena Gomez alangiridde bw'agenda...

Selena yatambulira ku mukolo gwa Cannes ogwa kapeti emmyuufu nga Murray atongoza firimu ye empya emanyiddwa nga...

Hat2 220x290

Abakulembeze be Kawempe bakukkulumidde...

Abakulembeze be Kawempe bakukkulumidde poliisi olw'okutyobola ekitiibwa kyabwe

Bajulizi 220x290

Emikolo gy'okutegeka olunaku lw'Abajulizi...

BANNAYUGANDA abeegattira mu kibiina ekimanyiddwa nga Uganda Cryodon Catholic Community ekisangibwa ku njegoyego...

Jeje703422 220x290

Minisita JJ Odongo alumbye Poliisi...

MINISITA w’ensonga ez’omunda Gen. Jeje Odongo (wansi) atabukidde abakulu mu poliisi olw’enguzi esensedde ekitongole...