TOP

Owa bodaboda attiddwa mu bukambwe

By Musasi wa Bukedde

Added 11th January 2019

Owa bodaboda attiddwa mu bukambwe

Lop2 703x422

Bobi Wine (ataddeko enkoofiira), John Mary Ssebuufu (ku ddyo), Michael Mabikke (ku kkono) ne Kasiano Wadri ku kkooti eggulo.

ABATUUZE mu muluka gwa Makerere baguddemu ekyekango bwe basanze omulambo gw’owa bodaboda ng’atemuddwa mu bukambwe. Poliisi yategeezezza nti owa bodaboda yandiba nga yatemuddwa abantu abazze bamulondola abaamukubye ennyondo ku mutwe ne bamunyagako pikipiki ye.

Omulambo gwasuuliddwa mu nnimiro nga teguliiko bigwogerako nga ku mabbali waasangiddwawo ennyondo eyabaddeko omusaayi.

Lawrence Musoke alabirira ennimiro abazigu mwe baasudde omulambo, nga ye yasoose okugulaba yagambye nti y’abadde akedde okukola mirimu gye nga bulijjo kyokka amaaso gaatuukidde ku mulambo gw’omusajja ateeberezebwa okuba omuvuzi wa bodaboda ng’ali wakati w’emyaka 27.

Musoke yadduse mangu n’ategeezzaako batuuze banne omwabadde n’abakulembeze b’ekitundu nabo abaayise poliisi y’e Wandegeya eyakulembeddwaamu OC Abwang Samuel. Abaserikale bazze ne beekebejja ekifo we battidde omugenzi n’oluvannyuma ne batwala omulambo mu ggwanika e Mulago.

Oluvannyuma abatuuze n’aba bodaboda mu kitundu kino bakkiriziddwa okulaba ku mulambo okusobola okuzuula famire y’omugenzi era waliwo omuvuzi wa bodaboda eyagambye nti omugenzi abadde akolera ku siteegi ya Kyebando mu Nsooba.

Poliisi bwe yakebedde omulambo gwabadde guvaamu omusaayi mungi nga guliko ekiwundu ekinene mu liiso nga kirabika nti ennyondo gye bakozesezza okumutta.

Omugenzi bwe baakebedde mu nsawo nga talina kiwandiiko kyonna kimwogerako wadde ssente nga kiteeberezebwa nti ne pikipiki gye y’abadde avuga baagitutte. Paul Mafumba owa LC yagambye nti ekitundu kyabwe balina poliisi ekirawuna okusobola okulwanyisa ebikolwa nga bino.

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.