TOP
  • Home
  • Amawulire
  • King Saha abayise leero e Lugogo abakube emiziki

King Saha abayise leero e Lugogo abakube emiziki

By Musasi wa Bukedde

Added 11th January 2019

King Saha abayise leero e Lugogo abakube emiziki

Hop2 703x422

SINGA tubadde baakutegeka mpaka za kuyimba, King Saha yandivuganyizza bulungi ku ngule y’omuyimbi asinze okuyimba mu 2018 sinnakindi okugiwangula. Omwaka oguwedde, Saha ng’amannya ge amatuufu ye Manisoor Ssemanda yeeriisizza nkuuli mu nsike y’okuyimba. Akoleddemu ennyimba nnya okuli; Biri Biri, On my way, Very well, Mpa Love zonna ezikutteyo ekimufudde omuyimbi ow’enjawulo ku balala.

Eno y’ensonga lwaki King Saha ategese ekivvulu ky’atuumye ‘Biri Biri Concert’ ekigenda okubeera ku Kyadondo Rugby Grounds e Lugogo akawungeezi ka leero ku Lwokutaano okujaguza n’okusanyukira awamu n’abawagizi be olw’obuwanguzi bw’atuuseeko. Okuyingira 20,000/-, 50,000/- ne 1,000,000/- emmeeza. Ekivvulu kino kitegekeddwa aba Humble Management ne kiwagirwa Vision Group efulumya ne Bukedde.

OBUWANGUZI Okuva lwe yava ewa Jose Chameleone mu Leone Island mu 2014, King Saha azze akula mu kuyimba era kati y’omu ku bayimbi abamannya mu ggwanga.

Obumu ku buwanguzi bw’atuuseeko omwaka oguwedde kwe kumulonda okwetaba mu mpaka z’okuyimba eza Coke Studio e Kenya era Saha agamba nti obukugu n’obumanyirivu bye yafuniddeyo wamu n’emikwano gy’abayimbi okuva mu mawanga ga Afi rika bigenda kumuyamba okwongera okukola n’amaanyi.

BY’AFUNYEMU Bw’oyogera ku bayimbi abafu- Byanye mu nsiike y’okuyimba, King Saha toyinza kumubuusa maaso. Saha eyali omwetissi w’emigugu mu Kikuubo kati yeeyisa kiroodi, azimba maka ag’ebbeeyi e Kagga- Nakawuka okumpi ne gye baaziika Moze Radio. Eno alinayo ettaka ddene okuli ne ffaamu ate n’emmotoka azikyusa nga bikooyi obulamu omuvubuka yenna bwe yandiyagadde okubeeramu.

EBIMUSOOMOOZA Saha agamba nti ng’omuntu omualala yenna naye asanze bingi ebimusoomooza mu lugendo lwe olw’okuyimba kyokka yeebaza Allah amusobozesezza okubivvuunuka n’okubiyitamu n’okulaba nti bino tebimuggya ku mulamwa.

Yagasseeko nti ebimu ku bino be bantu abatasiima ky’akola n’abo abakola kyonna ekisoboka okumunafuya. “Kati ddala nneewuunya omusajja Bebe Cool eyakoze ‘lisiti’ y’abayimbi abasinze okuyimba mu 2018 n’anteeka mu kifo kya 20 ate nga nze muyimbi nzekka abadde n’ennyimba nnya nga zonna hiiti,” Saha bwe yeemulugunyizza.

OMUKYALA MUMULABA KU MBAGA Saha y’omu ku bayimbi abasinga okuyimba ennyimba z’omukwano n’okuwaana laavu y’abakyala kyokka bangi ku bawagizi be bazze bamusaba abalage ku mukyala we amubiita anti tebamulaba bw’atambulako naye ng’abayimbi abalala.

AKOOWODDE ABANTU OKUMUWAGIRA Bwe yabuuziddwa eky’enjawulo ekisuubirwa mu kivvulu kye, Saha eyabadde ayogeza essanyu yasoose kukoowola bantu okujja mu bungi. “Nze muyimbi agenda okusinga okwambala nga buli kyambalo kirina kye kitegeezezza. Engeri gye ng’enda okujja ku siteegi ya njawulo ate etiisa naye saagala mutye; ng’enda kujja nga malayika.

EBYOKWERINDA BINYWEZEDDWA Bashir Ssempala amyuka omuduumizi wa poliisi mu buvanjuba bwa Kampala yalabudde abakozi b’effujjo n’abo abasuubira okwenyigira mu bikolwa by’obumenyi bw’amateeka ebirala ku kivvulu kya Saha nti baakukwatibwa baggalirwe

More From The Author

Emboozi z’omuwandiisi endala

Emboozi endala

Sam2 220x290

Sam Mukasa ayingidde goloofa ye...

Yiino goloofa ya Sam Mukasa eyogeza banne obwama!

8714805438505141082996706452061019224145920o 220x290

Museveni ne Kagame basisinkanye...

Kyaddaaki Pulezidenti Museveni ne mukulu munne owa Rwanda, Paul Kagame beefumbye akafubo ku nsalo ya Uganda ne...

Kasa 220x290

Maama kalimunda tonyiga bbebi ennyindo...

ONO maama kalimunda tatya kunyiga bbebi nnyindo olw’engeri gy’akulukuunya olubuto lwe ku musajja.

Omukyalangaatudde 220x290

Laba byana biwala ebyanywa amata...

Bw’oba otambula, osanga ebyana ebitambulira mu bibinja nga byesaze obugoye obukulengeza ‘waaka’ nga ‘n’ebithambi’...

Firimu 220x290

Eyali asoma obwafaaza alumbye Mbarara...

FERDINAND Lugobe Pike eyabulako akatono okufuuka omusosodooti ayingidde ekisaawe ky’okuzannya Ffirimu.