TOP

Bashir alumirizza Amerika ku lukwe mu Sudan

By Musasi wa Bukedde

Added 12th January 2019

GAVUMENTI ya Sudan erumiriza Amerika okussa ssente n’okuwa amagezi abamu ku bannamagye ba Pulezidenti Omal al Bashir ab’oku ntikko bamwefuulire bawambe obuyinza.

Bashir759 703x422

Bashir

Okusinziira ku kitongole ekikessi eky’omu Sudan ekya, National Intelligence and Security Service (NISS) olukwe Abamerika baalulukidde ku muliraano e Misiri mw’emu ku wooteeri ez’ebbeeyi ng’omukungu wa Amerika Princeton Lyman y’ali wakati mu lukwe luno.

Enteekateeka yaabwe ezingiramu n’ebyokukuma omuliro mu bantu ba bulijjo beegugunge, olwo Bashir akole ensobi abaakwase eryaanyi bakubwemu amasasi olwo kiwe abajaasi oluwenda okuwamba gavumenti nga bagamba nti tebayinza kukkiriza Bashir kutta bantu ba bulijjo abatalina musango.

Newankubadde nga Bashir alinga eyagudde mu lukwe luno, abeekalakaasa bakyagenda mu maaso n’okweyiwa ku nguudo baagala alekulire.

Engeri gye baabadde baluseemu olukwe, omu ku bakungu ba gavumenti ya Amerika yategese n’agenda e Misiri okusisinkana abakungu b’amagye abatali bamativu ne Bashir by’akola.

Enteekateeka zaatandika September 2012, olwasooka omukungu yalina okusisinkana Salah Gosh Omuwabuzi wa Bashir ku nsonga z’amagye.

Olunaku lwe baabadde bategese okusisinkana, Gosh teyalabiseeko.

Ebikulu bye baabadde balina okwogerako kwe kutegeka olukwe lw’okuwamba n’okuteesa ku nkolagana ya Amerika ne Sudan.

Okwekalakaasa okubadde kukyasinze amaanyi kwabaddewo ku Lwakusatu, Bashir yategese okukuba olukung’aana ku Green Square mu kibuga ekikulu Khartoum n’abamuvuganya ne batandika okwekalakaasa nga baagala okulumbagana abaabadde mu lukung’aana lwa Bashir.

Mu kanyoolagana k’abeekalakaasi ne poliisi ng’eri n’amagye, baakubye amasasi okukkakkana ng’abantu 12 bafudde n’abalala bangi ne balumizibwa nnyo.

Abantu Bashir bazze akwata n’aggalira mu makomera bali 800 nga kuliko ba Polofeesa n’abasomesa mu University of Khartoum.

Bungereza, Amerika, Canada ne Norway wiiki eno baafulumizza ekiwandiiko eky’awamu nga banenya ebigenda mu maaso

More From The Author

Emboozi z’omuwandiisi endala

Emboozi endala

Img0317webuse 220x290

Obuwempe bw’oku mmeeza mwe nzudde...

Okuluka obuwempe bw'oku mmeeza mwe nazuula omukisa gw'okukola ssente

Aktalewebuse 220x290

Ab'e Kamuli bakaaba lwa mbeera...

Embeera y'akatale ne ppaaka y'e Kamuli bitulemesezza okukola ssente

Isaakwebuse333 220x290

Ensonga lwaki tolina kufumbira...

Ekivaako abantu okufiira mu nnyumba mwe bafumbira

Aging1 220x290

Ebyange ne Grace Khan bya ddala...

ABABADDE balowooza nti Kojja Kitonsa n’omuyimbi Grace Khan bali ku bubadi muwulire bino.

Anyagatangadaabirizaemupikizabakasitomabewebuse 220x290

Okukanika kumponyezza okukemebwa...

Okukola obwamakanika kinnyambye okwebeezaawo n'okuwona okukemebwa abasajja olwa ssente